Dipesaleme 119:109 - BIBELE

¹⁰⁹ Bophelo ba ka bo kotsing kamehla, empa ha ke lebale Molao wa hao.

Sesotho 1909/1961 (SO)

¹⁰⁹ Bophelo ba ka bo beetswe ho timela ka matsatsi wohle; empa ha ke lebale molao wa hao.

Dipesaleme 119:109 ပူးပေါင်းရင်းမြစ်များ

Jobo 13:14

Ke kena kotsing ke ntse ke tadimile, bophelo ba ka ke bapala diketo ka bona!

Dipesaleme 119:117

Nthuse, ke tle ke pholohe, ke nne ke thabele ho phetha thato ya hao.

Dipesaleme 119:152

Kgale ke tsebile hore ditemoso tsa hao o di tiisitse, e be tsa mehla yohle.

Dipesaleme 119:16

Ke thabela ho phetha thato ya hao, nke ke ka lebala lentswe la hao.

Dipesaleme 119:83

Le hoja ke le jwaloka lekuka, lekuka le ka mosing, ha ke a lebala thato ya hao.

Baroma 8:36

Jwalokaha ho ngotswe, ho thwe: “Ke ka baka la hao re bolawang ka mehla, re nkwang re le dinku tse hlajwang.”

1 Bakorinthe 15:31

Bana beso, ke tjametswe ke lefu ka matsatsi wohle! Ke bolela hona ke ithorisa ka lona ho Jesu Kreste Morena wa rona.

2 Bakorinthe 11:23

Na ke bahlanka ba Kreste? Ke bua jwaloka lehlanya, ke re: Ke a ba feta! Ke sebeditse ka thata ho ba feta, ke bile tjhankaneng hangata ho ba feta, ka shapuwa haholo ho ba feta, mme ka makgetlokgetlo ke bile ntshing tsa lefu.

Baahlodi 12:3

E ile yare ha ke bona hore ha le mphallele, yaba ke a itela, ke tshelela ho Baamone, mme Morena a neelana ka bona matsohong a ka. Jwale ke hobaneng ha le mphutuhela kajeno?”

1 Samuele 19:5

O ile a ipea kotsing, a bolaya Mofilesita, mme ka yena Morena a namolela Baiseraele bohle ka mokgwa o hlollang. Le wena o bone, wa ba wa thaba. Jwale ke ka baka lang ha o rata ho sitelwa madi a se nang molato ka ho bolaya Davida ntle ho lebaka?”

1 Samuele 20:3

Davida a boela a hlapanya, a re: “Ntatao o tseba hantle hore o nthata haholo; ke ka baka lena a itseng: ‘Jonathane a se ke a tseba taba ena, esere ya mo utlwisa bohloko.’ Ruri ke hlapanya ka Morena ya phelang, le ka wena: Bophelo ba ka bo itshwareletse ka ntekeletsane.”