Dipesaleme 118:15 - BIBELE

¹⁵ Metlotlwaneng ya ba lokileng, ho utlwahala ditlatse tsa tlholo, ho thwe: “Letsoho le letona la Morena le sebeditse tse matla,

Sesotho 1909/1961 (SO)

¹⁵ Mehoo ya dipina tsa hlolo le tsa topollo di duma ditenteng tsa ba lokileng, ba re: Letsoho le letona la Jehova le bonahaditse matla a lona;

Dipesaleme 118:15 ပူးပေါင်းရင်းမြစ်များ

Dipesaleme 111:2

Mesebetsi ya Morena e meholo, e fuputswa ke bohle ba e thabelang.

Dipesaleme 119:111

Ditemoso tsa hao ke lefa la ka la mehla yohle, ke thabo ya pelo ya ka.

Dipesaleme 119:54

Thato ya hao ke pina ho nna, fatsheng lena leo ke leng mofeti ho lona.

Dipesaleme 32:11

Thabelang Morena, le nyakalle, le nyakalle lona ba lokileng; le etse ditlatse, lona ba pelo di ntle.

Dipesaleme 44:3

O ile wa leleka ditjhaba, hore o tle o ba bee naheng ya tsona; wa etsa merabe hampe, hore ba tle ba namele hohle.

Dipesaleme 45:4

Wena mohale, tlamella sabole ya hao qholong; ka hlompho le ka botlotlehi ba hao,

Dipesaleme 5:12

Empa bohle ba tshabelang ho wena ba ke ba thabe, bao o ba sireletsang ba se kgaotse ho etsa ditlatse, bohle ba ratang lebitso la hao ba o nyakallele.

Dipesaleme 60:12

ha e le moo wena, Modimo, o re lahlile, o se o sa tswe le mabotho a rona?

Dipesaleme 68:3

Ba nyamele jwalokaha mosi o nyamela, jwalokaha tshotso e qhibidihiswa ke mollo, ba kgopo ba timela jwalo, ba timela jwalo mahlong a Modimo.

Dipesaleme 89:13

Leboya le borwa ke wena ya di hlodileng, Tabore le Heremone di etsetsa lebitso la hao ditlatse.

Dipesaleme 98:1

Pesalema. Binelang Morena sefela se setjha, hobane o entse dimakatso, o hlotse ka letsoho la hae le letona, letsoho la hae le halalelang.

Eksoda 15:6

“Morena, tsoho la hao le letona le tlotlisitswe ka matla, Morena, tsoho la hao le letona le thuankantse sera.

Isaia 65:13

Ka baka leo, Morena Modimo o bua tjena: “Bahlanka ba ka ba tla kgora, empa lona le tla lapa; bahlanka ba ka ba tla nwa, empa lona le tla nyorwa; bahlanka ba ka ba tla thaba, empa lona le tla swaba.

Luka 1:51

O entse tse matla ka tsoho la hae, a qhalanya baikgohomosi le mehopolo ya bona;

Diketso 16:34

A ba isa tlung ha hae, a ba fepa, a nyakalla le ba lelapa la hae bohle, kahobane ba dumetse ho Modimo.

Deuteronoma 12:12

Le tla thaba kapele ho Morena Modimo wa lona; lona, le bara ba lona, le baradi ba lona, le bahlanka ba lona, le makgabunyane a lona, le Molevi ya kahara metse ya lona, hobane ha a na seabo kapa lefa jwaloka lona.”

Tshenolo 18:20

Wena lehodimo, le lona bahalaledi, le baapostola, le baporofeta, thabang ke hona, hobane Modimo o le ahloletse ka ho ahlola motse oo!’ ”