Dipesaleme 112:4 - BIBELE

⁴ Ho ba pelo di ntle o ka lesedi le tjhabang lefifing; o mosa, o na le kutlwelobohloko, hape o lokile.

Sesotho 1909/1961 (SO)

⁴ Lefifing, lesedi le tjhabela ya lokileng; o mohau, o lereko, o lokile.

Dipesaleme 112:4 ပူးပေါင်းရင်းမြစ်များ

Jobo 11:17

Bophelo ba hao bo tla hlaka ho feta motsheare, fifi la bona le tshwane le tsatsi le tjhaba.

Jobo 22:28

Merero yohle ya hao e tla atleha, sedi le kgantshetse tsela tsa hao;

Jobo 29:3

ha bone la hae le ne le mponesetsa tsela, ka sedi la hae ke tsamaya le lefifing!

Dipesaleme 106:1

Haleluja! Bokang Morena, hobane o molemo; mohau wa hae ke wa kamehla yohle.

Dipesaleme 116:5

Morena o mosa, o lokile, Modimo wa rona o na le kutlwelobohloko.

Dipesaleme 145:17

Morena o lokile ho tsohle tseo a di etsang, mesebetsing yohle ya hae o mohau.

Dipesaleme 37:6

O tla etsa hore ho loka ha hao ho kganye, ho kganye jwaloka lesedi, le ditokelo tsa hao di kganye jwaloka letsatsi, motsheare o moholo.

Dipesaleme 97:11

Lesedi le tjhabela ya lokileng, thabo ke ya ba pelo di ntle.

Diproverbia 21:21

Ya thahasellang ho loka le lerato o tla fumana bophelo le toka le tlotla.

Isaia 50:10

Ke mang wa lona ya tshabang Morena, ya mamelang lentswe la mohlanka wa hae? Ya tsamayang lefifing a se na lesedi? Ha a ke a tshepe lebitso la Morena, a itshetlehe ka Modimo wa hae.

Isaia 58:10

ha o ka ikitlaeletsa ho fepa ba lapileng, wa thoba meya ya ba tshwenyehileng, fifi le tla apoha, sedi la hao le kganye, bosiu ba hao bo ke motsheare wa lengeta.

Isaia 58:8

“Jwale sedi la hao le tla hlaha, le hlahe jwaloka mafube a meso, ho fola ha hao le hona ho akofe, ho loka ha hao ho tla o etella pele, tlotla ya Morena e sireletse serao sa hao.

Malakia 4:2

Ha e le lona ba hlomphang lebitso la ka, letsatsi la ho loka le tla le tjhabela ka mahlasedi a lona a fodisang. Lona le tla tswa, le thale jwaloka manamane a buletsweng ka sakeng.

Luka 6:36

Ebang le kutlwelobohloko, jwalokaha Ntata lona a ena le kutlwelobohloko.”

Johanne 12:46

Nna ke tlile lefatsheng ke le lesedi, hore mang le mang ya dumelang ho nna a se ke a ba lefifing.

Baefese 4:32

Rekolohelanang, le hauhelane, le tshwarelane, jwalokaha le Modimo a le tshwaretse ka Kreste.

Baefese 5:15

Hlokomelang metsamao ya lona haholo; le se be dithoto, le mpe le be ba bohlale,

Baefese 5:9

Ditholwana tsa lesedi ke tsohle tse molemo, tse lokileng le tsa nnete.

1 Johanne 2:29

Kaha le tseba hore o lokile, le lokela ho tseba hore mang le mang ya etsang tse lokileng o tswetswe ke yena.

1 Johanne 3:10

Bana ba Modimo le bana ba Diabolosi ba bonahala tjena: Bohle ba sa etseng tse lokileng, kapa ba sa rateng bana babo bona, hase bana ba Modimo.

1 Johanne 3:7

Bana ba ka, ho se be ya le kgelosang. Ya etsang tse lokileng o lokile, jwalokaha Kreste le yena a lokile.