Dipesaleme 105:1 - BIBELE

¹ Bokang Morena, le rapele lebitso la hae, le tumise diketso tsa hae, le di tumise hara ditjhaba.

Sesotho 1909/1961 (SO)

¹ Rorisang Jehova, le rapele lebitso la hae; tsebisang diketso tsa hae hara ditjhaba.

Dipesaleme 105:1 ပူးပေါင်းရင်းမြစ်များ

1 Dikronike 16:34

Bokang Morena, hobane o molemo, mohau wa hae ke wa kamehla yohle.

1 Dikronike 25:3

Hara bara ba Jedutune e ne e le Gedaleya, le Seri, le Jeshaya, le Shimei, le Hashabiya, le Matiteya. Ba ne ba tsheletse, mme ba okametswe ke ntata bona Jedutune, ya neng a letsa harepa ha a phatlalatsa molaetsa wa Modimo, a leboha Morena, a bile a mo rorisa.

1 Dikronike 29:13

Re a o leboha Modimo wa rona, re rorisa lebitso la hao le tlotlehang.

1 Dikronike 29:20

Yaba Davida o re ho setjhaba sohle: “Rorisang Morena Modimo wa lona!” Setjhaba sohle sa rorisa Morena Modimo wa bo-ntata sona; sa inamisa dihlooho tsa sona, sa kgumamela Morena, sa isa hlompho ho kgosi.

Dipesaleme 106:1

Haleluja! Bokang Morena, hobane o molemo; mohau wa hae ke wa kamehla yohle.

Dipesaleme 89:1

Pesalema ya Etane wa Moesera, e nang le thuto.

Dipesaleme 96:3

Bolelang tsa tlotla ya hae hara ditjhaba, le dimakatso tsa hae hara merabe yohle.

Dipesaleme 99:6

Moshe le Arone e ne e le ba bang ba baprista ba hae, Samuele e le e mong wa ba rapelang lebitso la hae. Ba ipiletsa ho Morena, mme a ba araba,

Isaia 12:4

Mohla tsatsi leo, le tla re: “Lebohang Morena, le mo rapele, phatlalatsang mesebetsi ya hae hara ditjhaba, le bolele hore bitso la hae le leholo.

Isaia 51:10

Na hase wena ya neng a pshese lewatle, ya neng a pshese metsi a bodibabohalo? Ya neng a bule tsela bodibeng ba lewatle, hore ba lopolotsweng ba tle ba tsebe ho tshela?

Daniele 3:29

“Ka baka leo, ke laela hore batho ba ditjhaba tsohle, le ba merabe yohle, le ba dipuo tsohle, ba ka nyefolang Modimo wa bo-Shaderaka le Meshake le Abedenego ba tsekollwe, matlo a bona a fetolwe masupi, hobane ha ho modimo e mong ya ka pholosang ka mokgwa ona.”

Joele 2:32

Mang le mang ya tla rapela Morena o tla pholoswa, hobane Thabeng ya Sione, motseng wa Jerusalema, pholoho e tla ba teng, jwalokaha Morena a boletse, bakeng sa masalla ao Morena a a bitsang.

Numere 23:23

Ha ho boloi ho Jakobo, ha ho bonohe ho Iseraele. Ka nako ya teng ho tla thwe ho Jakobo le ho Iseraele: ‘Modimo o sebeditse hakaakang!’

Diketso 9:14

mme le mona o filwe matla ke baprista ba baholo, ho tlama bohle ba o rapelang.”

Baroma 10:13

Mang le mang ya tla rapela Morena, o tla pholoswa.

1 Bakorinthe 1:2

re dumedisa kereke ya Modimo e Korinthe, e leng batho ba halaleditsweng ho Kreste Jesu, ba bitseditsweng hore e be bahalaledi, mmoho le bohle ba rapelang Morena wa rona Jesu Kreste kae kapa kae, yena eo e leng Morena wa rona le wa bona, re re: