Diketso 5:42 - BIBELE

⁴² Ka tsatsi le leng le le leng ha ba a ka ba phetsa ho ruta le ho kgothatsa ka Jesu Kreste, ka Tempeleng, le ka malapeng ka bonngwe.

Sesotho 1909/1961 (SO)

⁴² Ha ba ka ba phetsa ka matsatsi wohle ho ruta le ho bolela tempeleng le ka matlung, hore Jesu ke Kreste.

Baasraak Sotho NT

⁴² Ka tsatsi le leng le le leng, ka Tempeleng le ka tlung, ba se ke ba kgaotsa ho ruta le ho bolela molaetsa o molemo wa Kreste Jesu.

Contemporary Southern Sotho Bible 2024

⁴² Ka tsatsi le leng le le leng, ka Tempeleng le ka tlung, ba se ke ba kgaotsa ho ruta le ho bolela molaetsa o molemo wa Kreste Jesu.

Diketso 5:42 ပူးပေါင်းရင်းမြစ်များ

2 Samuele 6:22

Ke hona ke sa tla itlotlolla le ho feta mona, ke be ke bone hore ke itheoletse fatshe, empa makgabunyane ao, ao o buang ka wona, wona a tla ntlhompha.”

Luka 21:37

Jesu o ne a ruta ka Tempeleng motsheare, empa bosiu o ne a etswa, a ya hlola thabeng e bitswang Thaba ya Mehlwaare,

Luka 22:53

Ke ne ke ntse ke ena le lona ka matsatsi wohle ka Tempeleng, ha le a ka la ntshwara! Empa nako ena ke ya lona le ya Matla a Lefifi.”

Diketso 11:20

Empa ba bang ba bona e ne e le matswallwa a Sipera le ba Sirene, bao eitseng ha ba fihla Antiokia ba bua le bahedene, ba ba ruta molaetsa o molemo wa Jesu Kreste.

Diketso 13:32

“Rona re le bolella molaetsa o molemo: Seo Modimo a neng a se tshepisitse bo-ntata rona,

Diketso 17:18

Jwale bahlalefi ba bang ba Baepikure le ba Basetoike ba ngangisana le yena, mme ba bang ba re: “Ekaba moberaberi eo o rata ho reng?” Ba bang bona ba re: “E ka ka ke mmuelli wa medimo esele,” hobane o ne a bolela molaetsa o molemo wa Jesu le wa tsoho ya bafu.

Diketso 17:3

A ba hlalosetsa le ho ba bontsha hore ho ne ho tshwanetse hore Mesia a hlokofatswe, mme a tsohe bafung, le hore “Jesu enwa, eo ke le tsebisang yena, ke Mesia.”

Diketso 2:46

Ka letsatsi le leng le le leng ba ba mmoho ka Tempeleng ba le maikutlo a le mang, ba kena ntlo ka nngwe ba ntse ba ngwatha bohobe; ba ja dijo ka thabo le ka pelo tse tshweu.

Diketso 20:20

Le a tseba kamoo ke sa kang ka le patela letho le molemo kateng, ha ke ntse ke bolela, mme ke ruta kapele ho setjhaba le malapeng a lona,

Diketso 4:20

Rona ha re ka ke ra phetsa ho bua ka tseo re di boneng le tseo re di utlwileng.”

Diketso 4:29

Jwale, Morena, ako tadime ditshokelo tsa bona, mme o etse hore bahlanka ba hao ba bolele lentswe la hao ka sebete.

Diketso 8:35

Jwale Filipi a bua, a qala ka temana ena, a mmolella molaetsa o molemo wa Jesu.

Diketso 8:5

Filipi a theohela motseng wa Samaria, a phatlalletsa batho ba teng tsa Kreste.

Diketso 9:20

mme kapelepele a phatlalatsa matlung a thapelo hore Jesu ke Mora wa Modimo.

1 Bakorinthe 2:2

Ha ke ne ke ena le lona, ke ne ke ikemiseditse ho lebala tsohle, haese tsa Jesu Kreste feela, yena ya thakgisitsweng.

Bagalata 1:16

ke ho ntshenolela Mora wa hae, hore ke tle ke bolele molaetsa o molemo wa hae hara baditjhaba, ka se ke ka batla keletso ho motho.

Bagalata 6:14

Nna ke mpe ke se ithorise ka letho, haese feela ka sefapano sa Morena wa rona Jesu Kreste, seo ka sona ho nna lefatshe le thakgisitsweng, le nna ke thakgisitsweng ka nqeng ya lefatshe!

2 Timothea 4:2

Phatlalatsa lentswe, o pheelle ho le bolela, ebang le a amohelwa kapa ha le amohelwe; nyatsa, kgalemela, kgothatsa, o ntse o ruta ka mamello yohle.