Diketso 24:11 - BIBELE

¹¹ Jwalokaha o ka tseba, ha ho eso fete matsatsi a leshome le metso e mmedi ho tloha ha ke nyolohela Jerusalema, ho ya kgumamela Modimo.

Sesotho 1909/1961 (SO)

¹¹ O ka fumana hobane ha ho eso ho fete matsatsi a leshome le metso e mmedi ke fihlile Jerusalema ho rapela.

Baasraak Sotho NT

¹¹ Hobane le tle le utlwisise hobane ho sa setse matsatsi a leshome le metso e mmedi haesale ke nyolohela Jerusalema ho ya rapela.

Contemporary Southern Sotho Bible 2024

¹¹ Hobane le tle le utlwisise hobane ho sa setse matsatsi a leshome le metso e mmedi haesale ke nyolohela Jerusalema ho ya rapela.

Diketso 24:11 ပူးပေါင်းရင်းမြစ်များ

Diketso 21:18

Ka letsatsi le hlahlamang Paulosi a ya le rona ho Jakobo, mme baholo bohle ba ne ba le teng.

Diketso 22:30

Ka la hosasane, kaha a ne a lakatsa ho tseba hantle hore na Paulosi o qoswa kang ke Bajuda, a mo lokolla, a laela hore baprista ba baholo, le lekgotla lohle, ba phuthehe, a nto tlisa Paulosi, a mo emisa kapele ho bona.

Diketso 23:11

Ka bosiu bo hlahlamang, Morena a tla ho yena, a re: “Beta pelo, hobane jwalokaha o mpakile Jerusalema, eka kgona o mpake jwalo le Roma.”

Diketso 23:23

Jwale molaodi wa sekete a bitsa balaodi ba babedi ba mabotho a ba lekgolo, a re: “Ka hora ya borobong, bosiu, le hlophe bahlabani ba makgolo a mabedi, le bapalami ba dipere ba mashome a supileng, le ba hlometseng ka marumo ba makgolo a mabedi, ba tsamaye ho ya fihla Sesaria.

Diketso 24:1

Kamora matsatsi a mahlano Moprista e Moholo, Ananiase, a theoha le baholo ba bang, le mmuelli e mong ya bitswang Teretulose, ba qosa Paulosi kapele ho mmusisi.

Diketso 24:17

“Jwale kamora dilemo tse ngata, ke tlisitse dithuso ho setjhaba sa heso le ho tla etsa mahlabelo.