Diketso 23:16 - BIBELE

¹⁶ Empa motjhana wa Paulosi ha a utlwa tsa ho lallwa hoo, a ya, a kena qhobosheaneng, mme a tsebisa Paulosi.

Sesotho 1909/1961 (SO)

¹⁶ Empa mora wa kgaitsedi ya Pauluse a utlwa tsa morero wa bona; yaba o ya, a kena qhobosheaneng, a di tsebisa Pauluse.

Baasraak Sotho NT

¹⁶ Eitse ha mora wa kgaitsedi ya Pauluse a utlwa tsa ho lalla ha bona, a ya, a kena qhobosheaneng, a bolella Pauluse.

Contemporary Southern Sotho Bible 2024

¹⁶ Eitse ha mora wa kgaitsedi ya Pauluse a utlwa tsa ho lalla ha bona, a ya, a kena qhobosheaneng, a bolella Pauluse.

Diketso 23:16 ပူးပေါင်းရင်းမြစ်များ

2 Samuele 17:17

Bo-Jonathane le Ahimase ba ne ba ye ba ipate pela Sediba sa Rogele. Lekgabunyane le ne le ye le ye, le yo ba bolella ditaba, mme le bona ba ne ba ye ba ye, ba yo tsebisa kgosi, hobane ba ne ba sa tshwanela ho bonwa ba kena motseng.

Jobo 5:13

ka maraba a bona o tshwasa bo-ramasene, maqheka a bona a fetoha lefeela.

Diproverbia 21:30

Ha ho bohlale, kelello, kapa morero o ka atlehang ha Morena a sa o rate.

Diproverbia 24:15

Se lalle ntlo ya motho ya lokileng jwalokaha senokwane se etsa; lapa la hae o se ke wa le senyetsa,

KOLI-YA-MALLA 3:37

Ya ka bolelang ntho, ya etsahala, ke mang, haeba ntho eo e sa laolwa ke Morena?

Diketso 21:34

Jwale hara letshwele ba bang ba howa ntho ena, ba bang yane. Kaha molaodi a ne a sitwa ho tseba hoo e leng nnete ka baka la lerata, a laela hore Paulosi a iswe qhobosheaneng.

Diketso 21:37

Ha a se a tla kenngwa ka qhobosheaneng, Paulosi a re ho molaodi wa ba sekete: “Na o ka ntumella ho buisana le wena?” Yaba eo o re: “Na o tseba Segerike?

Diketso 23:10

Ha kgang e kgolo e loela, molaodi wa ba sekete, ka ho tshaba hore ba se tshohe ba tsekolla Paulosi, a laela hore bahlabani ba theohe, ba mo ntshe kahara letshwele, ba mo ise qhobosheaneng.

Diketso 23:17

Yaba Paulosi o bitsa e mong wa balaodi ba ba lekgolo, mme a re ho yena: “Isa mohlankana enwa ho molaodi wa ba sekete, hobane o na le seo a ratang ho mo tsebisa sona.”

Diketso 23:32

Ka la hosasane ba maoto ba kgutlela qhobosheaneng, ba siya bapalami ho tswela pele le yena.

Diketso 24:23

A laela molaodi wa ba lekgolo hore a dise Paulosi, feela a be le bolokolohi bo itseng, mme a se thibele motho ofe kapa ofe wa ba habo ho mo thusa.

1 Bakorinthe 3:19

Bohlale ba lefatshe lena ke bothoto mahlong a Modimo. Etswe Mangolo a re: “Modimo o tshwasa ba bohlale maqhekeng a bona.”