Diketso 23:10 - BIBELE

¹⁰ Ha kgang e kgolo e loela, molaodi wa ba sekete, ka ho tshaba hore ba se tshohe ba tsekolla Paulosi, a laela hore bahlabani ba theohe, ba mo ntshe kahara letshwele, ba mo ise qhobosheaneng.

Sesotho 1909/1961 (SO)

¹⁰ Moferefere ha o tota, molaodi wa sekete a tshaba hore ba tla harola Pauluse, mme a laela bahlabani hore ba theohele, ba mo hlwibile hara bona, le ho mo kgutlisetsa qhobosheaneng.

Baasraak Sotho NT

¹⁰ Eitse hobane ho tsohe moferefere o moholo, molaodi wa sekete a tshaba hore Pauluse o tla haholwa ke bona, a laela bahlabani hore ba theohe, ba mo ntshe hara bona, ba mo ise qhobosheaneng.

Contemporary Southern Sotho Bible 2024

¹⁰ Eitse hobane ho tsohe moferefere o moholo, molaodi wa sekete a tshaba hore Pauluse o tla haholwa ke bona, a laela bahlabani hore ba theohe, ba mo ntshe hara bona, ba mo ise qhobosheaneng.

Diketso 23:10 ပူးပေါင်းရင်းမြစ်များ

Dipesaleme 50:22

“Lona ba lebalang Modimo, le ke le lemohe tsena, esere ka le harola, mme la hloka ya le namolelang.

Dipesaleme 7:2

Morena Modimo wa ka, ke tshabela ho wena, ke tshabela ho wena, ako mpholose, o nnamolele ho bohle ba ntlhorisang;

Mikea 3:3

le buha tjhaba sa ka letlalo, le se buhe, le itjelle nama ya sona, masapo a sona le a robake dikotwana; le se kgabela sa nama e tla hadikwa, sa nama e kgabelwang e tla apehwa.”

Diketso 21:37

Ha a se a tla kenngwa ka qhobosheaneng, Paulosi a re ho molaodi wa ba sekete: “Na o ka ntumella ho buisana le wena?” Yaba eo o re: “Na o tseba Segerike?

Diketso 22:24

Yaba molaodi wa ba sekete o laela hore Paulosi a kenngwe ka qhobosheaneng. A re hape a hlokofatswe ka ho shapuwa, hore a tle a tsebe hantle lebaka leo ba mo tlakang ka lona hakaalo.

Diketso 23:16

Empa motjhana wa Paulosi ha a utlwa tsa ho lallwa hoo, a ya, a kena qhobosheaneng, mme a tsebisa Paulosi.

Diketso 23:27

Monna enwa o na tshwerwe ke Bajuda, mme ba le lekgatheng la ho mmolaya. Ha ke utlwa hore ke Moroma, ka fihla ka bahlabani, ka mo namolela.

Diketso 23:28

Kaha ke ne ke rata ho tseba ka ho tlala seo ba mo qosang ka sona, ke ile ka mo isa lekgotleng la bona.

Diketso 23:32

Ka la hosasane ba maoto ba kgutlela qhobosheaneng, ba siya bapalami ho tswela pele le yena.

Diketso 24:7

Empa Losiase, molaodi wa ba sekete, o fihlile a mo nka matsohong a rona ka dikgoka.

2 Bakorinthe 11:26

Maetong a ka a mangata ke bile dikotsing tsa dinoka, dikotsing tsa dinokwane, dikotsing tsa ba heso, dikotsing tsa baditjhaba, dikotsing metseng, dikotsing mafeelleng, dikotsing lewatleng, dikotsing tsa badumedi ba bohata.

Jakobo 1:19

Bana beso ba ratehang, tsebang hona: Motho ka mong eka kgona a utlwe kapele, empa a se ke a potlakela ho bua le ho halefa,

Jakobo 3:14

Empa haeba ka dipelong tsa lona le na le lefufa le lebe le moya wa dikgang, le se ke la ithorisa, la senya nnete ka ho bua leshano.