Diketso 18:25 - BIBELE

²⁵ O ne a rutilwe Tsela ya Morena. A bua ka ho tjheseha moyeng, a ruta ditaba tse amanang le Jesu ka hloko, le hoja a ne a tseba kolobetso ya Johanne feela.

Sesotho 1909/1961 (SO)

²⁵ Monna eo o ne a rutilwe tsela ya Morena; o ne a bua ka moya o nang le tjheseho, a ruta ka kelello ditaba tsa Morena, leha a ne a tseba kolobetso ya Johanne feela.

Baasraak Sotho NT

²⁵ Monna enwa o ne a rutilwe tsela ya Morena; mme ka a ne a tjhesehile moyeng, a bua, a ruta ka kelello ditaba tsa Morena, a tseba kolobetso ya Johanne feela.

Contemporary Southern Sotho Bible 2024

²⁵ Monna enwa o ne a rutilwe tsela ya Morena; mme ka a ne a tjhesehile moyeng, a bua, a ruta ka kelello ditaba tsa Morena, a tseba kolobetso ya Johanne feela.

Diketso 18:25 ပူးပေါင်းရင်းမြစ်များ

Genese 18:19

Nke ke! Hobane ke mo kgethile hore a tle a laele bana ba hae le lelapa la hae ho tsamaya ka tsela ya Morena ka ho etsa tse lokileng, le ho sebetsa ka toka; e le hore Morena a tle a phethe tseo a di tshepisitseng Aborahama.”

Dipesaleme 119:1

Ho lehlohonolo ba metsamao e se nang kodi, ba tsamayang ka Molao wa Morena.

Dipesaleme 67:2

Modimo ako re hauhele, o re hlohonolofatse, o re bontshe sefahleho, fahleho se kganyang kgotso.

Isaia 40:3

Lentswe la ya howang, le re: “Lokisang mmila wa Morena, le o lokise felleng, le otlollele Modimo wa rona mmila lehwatateng.

Jeremia 6:16

Morena o bua tjena: “Emang mateanong a ditsela le qamake, le botse: ‘Tsela ya kgale, e lokileng, e kae?’ Tsamayang ka yona, mme le tla fumana phomolo. Empa lona la re: ‘Ha re ka ke ra e tsamaya!’

Hosea 14:9

Ya bohlale ke mang? Tsena o tla di hlokomela. Ya masene ke mang? Yena o tla di utlwisisa. Ditsela tsa Morena di nepahetse, ba lokileng ba tla tsamaya ka tsona, baetsadibe ba kgothometsehe ho tsona.

Mareka 1:3

Lentswe la ya howang feelleng, le re: ‘Lokisang mmila wa Morena, le otlolle ditsela tsa hae!’ ”

Mareka 12:14

Ba fihla, ba re ho yena: “Moruti, re a tseba hore o motho wa nnete, le hore ha o natse motho, hobane ha o ye ka tshobotsi, empa o ruta tsela ya Modimo ka nnete. Na ho a dumelleha hore ho ntshetswe Sesare lekgetho kapa tjhe? Na re ka le ntsha, kapa re ke ke ra le ntsha?”

Luka 1:4

hore o tsebe bonnete ba ditaba tseo o di rutilweng.

Luka 7:29

Batho bohle le balekgetho ha ba utlwa ba ile ba ananela ho loka ha Modimo, ba kolobetswa ka kolobetso ya Johanne;

Diketso 13:10

“Ngwana Diabolosi! Wena ya tletseng thetso le bokgopo bohle! Sera sa toka yohle! Na ha o sa tla kgaotsa ho kgopamisa ditsela tse lokileng tsa Morena?

Diketso 16:17

La re latela re ena le Paulosi, la howa, la re: “Batho bana ke bahlanka ba Modimo ya hodimodimo, ba le phatlalletsang tsela ya pholoho!”

Diketso 18:26

A qala ho bua ka sebete ka tlung ya thapelo, mme ha Prisilla le Akulase ba mo utlwile ba mo isa ha bona, ba mo hlalosetsa Tsela ya Modimo ka hloko e fetang.

Diketso 19:23

Ka nako eo ha tsoha moferefere o moholo Efese ka baka la Tsela ya Morena.

Diketso 19:3

A re: “Ha ho le jwalo le kolobeditswe ka kolobetso efe?” Ba re: “Ka kolobetso ya Johanne.”

Diketso 19:9

Empa ha ba bang ba ithatafatsa dipelo, ba hana ho dumela, mme ba bua hampe ka Tsela ya Morena kapele ho badumedi bohle, a tloha ho bona a tsamaya le barutuwa ba hae. A buisana le batho ka tsatsi le leng le le leng sekolong sa Tiranose.

Diketso 9:2

A kopa mangolo a yang Damaseka, matlung a thapelo, e le hore ha a ka fumana bao e leng ba Tsela ena ya Bokreste, leha e le banna kapa basadi, a ba tlame, a ba tlise Jerusalema.

Baroma 12:11

Le se ke la ba botswa, le mpe le be mafolofolo, le sebeletse Morena ka moya o tjhesehang.

2 Timothea 2:4

Ha ho ya hlabanang ya ka itshitisang ka ditaba tsa bophelo bona, haeba a rata ho kgahlisa molaodi ya mo thotseng.

Jakobo 5:16

Motho ka mong a ipolele dibe ho ba bang, mme le rapellane, hore le tle le fole. Thapelo ya motho ya lokileng e matla haholo.

Baahlodi 2:22

Hona ke hore ke leke Baiseraele ka tsona, ke bone hore na ba tla boloka tsela ya Morena jwalokaha bo-ntata bona ba ile ba e boloka, ba tsamaya ka yona, kapa tjhe.”

1 Samuele 12:23

Ha e le nna ho ke ke ha etsahala hore ke sitelwe Morena ka ho phetsa ho le rapella. Ke tla le ruta se molemo le se lokileng.