Baroma 9:1 - BIBELE

¹ Ka Kreste, ke bua nnete, ha ke bue leshano; le letswalo la ka le buswang ke Moya o Halalelang, le a mpakela

Sesotho 1909/1961 (SO)

¹ Ke bolela nnete pela Kreste, ha ke etse leshano, letswalo la ka le emelana le nna ka Moya o Halalelang,

Baasraak Sotho NT

¹ Ke bua nnete ka Kreste, ha ke bue leshano, letswalo la ka le ntse le mpakela ka Moya o Halalelang.

Contemporary Southern Sotho Bible 2024

¹ Ke bua nnete ka Kreste, ha ke bue leshano, letswalo la ka le ntse le mpakela ka Moya o Halalelang.

Baroma 9:1 ပူးပေါင်းရင်းမြစ်များ

Baroma 1:9

Modimo eo ke mo sebeletsang ka moya wa ka wohle, ka ho phatlalatsa molaetsa o molemo wa Mora wa hae, ke paki ya ka, ya kamoo ke sa phetseng kateng ho le rapella.

Baroma 2:15

Ba bontsha hore mesebetsi ya Molao e ngotswe dipelong tsa bona; matswalo a bona a ntse a ba pakela, ha mehopolo ya bona e ba qosa kapa e ba emela.

Baroma 8:16

Ka sebele sa wona, Moya wa Modimo o pakelana le meya ya rona hore re bana ba Modimo.

Baroma 9:2

hore ka pelong ya ka ke na le maswabi a maholo le bohloko bo sa kgaotseng.

2 Bakorinthe 1:12

Seo re ithorisang ka sona ke sena: Letswalo la rona le re pakela hore mona lefatsheng re ile ra phedisana le batho, haholo le lona, re se na mano, re ena le nnete ya Modimo; e seng ka bohlale ba botho, empa ka mohau wa Modimo.

2 Bakorinthe 1:23

Ke ikana ka bophelo ba ka! Modimo a ka mpakela hore e ne e le ka ho le qenehela, ha ke sa ka ka kgutlela Korinthe.

2 Bakorinthe 11:10

Ke ikana ka nnete ya Kreste e ka ho nna, hore boithoriso bona ba ka bo ke ke ba kgaotsa dibakeng tsa Akaya.

2 Bakorinthe 11:31

Modimo, Ntata Morena wa rona Jesu Kreste, ya bokwang kamehla yohle, o a tseba hore ha ke bue leshano.

2 Bakorinthe 12:19

Na haesale le ntse le nahana hore re batla ho itshireletsa mahlong a lona? Re bua pela Modimo re le ba Kreste, mme, baratuwa, tsohle di etsetswa ho le matlafatsa.

Bagalata 1:20

Modimo o a tseba hore tsena tseo ke le ngollang tsona hase leshano.

BaFilipi 1:8

Modimo ke paki ya kamoo ke le hlolohetsweng kateng ka lerato le kang la Kreste Jesu.

1 BaThesalonika 2:5

Kamoo le tsebang kateng, ha re a ka ra tla ho lona ka maleme a monate, le ka meharo. Modimo ke paki.

1 Timothea 1:5

Sepheo sa taelo ena ke ho ba isa leratong le tswang pelong e hlwekileng, le letswalong le kgutsitseng, le tumelong e se nang boikaketsi.

1 Timothea 2:7

Ke ka baka lena ke kgethetsweng ho ba sebohodi le moapostola, le moruti wa baditjhaba ya rutang tumelo le nnete; ke bua nnete, e seng leshano.

1 Timothea 5:21

Ka Modimo, le ka Kreste Jesu, le ka mangeloi a kgethilweng, ke ipiletsa ho wena, ke re: Tsena o di boloke o se na leeme, o sa ye ka tshobotsi.