Baroma 6:19 - BIBELE

¹⁹ Ke bua ka mokgwa wa batho ka baka la bofokodi ba lona ba botho. Jwalokaha le ne le neelane ka ditho tsa lona ho ba makgoba a manyala le a bokgopo, hore le be kgopokgopo, ka mokgwa o jwalo, kajeno neelanang ka ditho tsa lona ho ba makgoba a ho loka hore le tle le halalele.

Sesotho 1909/1961 (SO)

¹⁹ Ke bolela ka mokgwa wa batho ka baka la phokolo ya nama ya lona. Ke re: Jwalokaha le ne le beile ditho tsa lona ho ba bahlanka ba ditshila le ba bokgopo ho etsa bokgopo, ka mokgwa oo jwale, beang ditho tsa lona jwalo, di be bahlanka ba ho loka ho isang kgalalelong.

Baasraak Sotho NT

¹⁹ Ke bua ka mokgwa wa batho ka baka la bofokodi ba nama ya lona: hobane jwalokaha le ne le neetse ditho tsa lona hore e be bahlanka ba ditshila le tsa bokgopo ho isa bokgopong; le hona jwale le nee ditho tsa lona, e be bahlanka ba ho loka, e isang kgalalelong.

Contemporary Southern Sotho Bible 2024

¹⁹ Ke bua ka mokgwa wa batho ka baka la bofokodi ba nama ya lona: hobane jwalokaha le ne le neetse ditho tsa lona hore e be bahlanka ba ditshila le tsa bokgopo ho isa bokgopong; le hona jwale le nee ditho tsa lona, e be bahlanka ba ho loka, e isang kgalalelong.

Baroma 6:19 ပူးပေါင်းရင်းမြစ်များ

Levitike 13:40

“Ha motho a foforeha moriri hloohong, o na le lefatla; o hlwekile.

Mattheu 4:23

Jesu a tsamaya le Galelea yohle, a ntse a ruta matlung a thapelo a teng, a phatlalatsa molaetsa o molemo wa Mmuso, a fodisa mafu le malwetse wohle setjhabeng.

Baroma 15:1

Rona ba matla tumelong, re tshwanetse ho jarela ba fokolang mefokolo ya bona e seng ho ikgahlisa.

Baroma 3:5

Empa ha ho se loke ha rona ho totobatsa ho loka ha Modimo, re tla reng? Na Modimo ha a na toka ha a re otla? Ke bua ka mokgwa wa batho.

Baroma 6:13

Le se ke la hlola le neela sebe ditho tsa lona, hore e be dihlomo tsa ho se loke; le mpe le ineele Modimo le le ba phelang, ba tsohileng bafung; le neele Modimo ditho tsa lona, hore e be dihlomo tsa ho loka.

Baroma 7:23

empa bothong ba ka ba nama ho teng molao osele, o lwantshanang le molao wa kelello ya ka, o nkenyang ditlamong tsa molao wa sebe o teng bothong ba ka.

Baroma 8:26

Ka mokgwa o jwalo Moya o re thusa bofokoding ba rona, hobane ha re tsebe ho rapela ka mokgwa o tshwanelang, empa Moya ka bowona o re rapella ka mefehelo e ke keng ya bolelwa.

1 Bakorinthe 5:6

Boithoriso ba lona ha bo a loka. Na ha le tsebe hore tomoso e seng kae e lomosa hlama kaofela?

1 Bakorinthe 6:11

Ba bang ba lona le ne le le jwalo, empa le ile la hlatsuwa, la halaletswa, la lokafatswa ka lebitso la Morena Jesu Kreste, le ka Moya wa Modimo wa rona.

1 Bakorinthe 9:8

Dipolelo tsena hase tsa botho feela, Molao le wona o rialo.

Bagalata 3:15

Bana beso, a nke ke le nee mohlala wa se etswang ke batho. Ha ho ananetswe selekane le motho, ha ho ya ka se etsollang kapa a eketsa ho hong ho sona.

BaHebheru 12:15

Hlokomelang hore ho se be ya furallang mohau wa Modimo, esere ha mela sebabane se seng se ferekanyang, mme sa silafatsa ba bangata.

BaHebheru 4:15

Moprista wa rona e Moholo hase ya ka sitwang ho re utlwela bohloko mefokolong ya rona, hobane ke ya ileng a lekwa ka ditsela tsohle jwaloka rona, empa a se ke a etsa sebe.