Baroma 6:18 - BIBELE

¹⁸ Le lokolotswe sebeng, le entswe makgoba a ho loka.

Sesotho 1909/1961 (SO)

¹⁸ Mme jwale, ha le holotswe sebeng, le fetohile bahlanka ba ho loka.

Baasraak Sotho NT

¹⁸ Erekaha le lokolotswe sebeng, le bile bahlanka ba ho loka.

Contemporary Southern Sotho Bible 2024

¹⁸ Erekaha le lokolotswe sebeng, le bile bahlanka ba ho loka.

Baroma 6:18 ပူးပေါင်းရင်းမြစ်များ

Dipesaleme 116:16

Ruri, Morena, ke mohlanka wa hao, mora wa lekgabunyane la hao; o tlamolotse ditlamo tsa ka.

Dipesaleme 119:32

Ke tla matha tseleng ya melao ya hao, hobane wena o ntokolotse.

Dipesaleme 119:45

Ke tla phela ka bolokolohi, hobane ke thahasella ditaelo tsa hao.

Isaia 26:13

Oho, Morena Modimo wa rona, babusi ba bang ba kile ba re busa, empa ke bitso la hao feela leo re le tlotlang.

Isaia 54:17

Ha ho na sebetsa se tla o bolaya, bohle ba o qosang o tla ba hlola ka nyewe. Lena ke lona lefa la bahlanka ba Morena, ke ho loka hoo ke ba neang hona,” ho rialo Morena.

Luka 4:18

“Moya wa Morena o hodima ka hobane a ntlotseditse ho bolella mafutsana molaetsa o molemo, o nthometse ho phatlalletsa bathopuwa tsa tokoloho, le difofu hore di tla tutuboloha, le ho lokolla ba hateletsweng,

Johanne 8:32

le tla tseba nnete, mme nnete e tla le lokolla.”

Johanne 8:36

Jwale ha Mora a le lokolla, le tla be le lokolohile ka sebele.

Baroma 6:14

Sebe se ke ke sa ba le matla hodima lona, hobane ha le sa le tlasa Molao, empa le tlasa mohau.

Baroma 6:22

Empa kajeno le lokolotswe sebeng, le entswe makgoba a Modimo, le kotula tse le halaletsang, mme qetello ya tsona ke bophelo bo sa feleng.

Baroma 6:7

hobane ya shweleng o lokolotswe sebeng.

Baroma 8:2

hobane molao wa Moya o Halalelang o re phedisang ho Kreste Jesu o ntokolotse molaong wa sebe le lefu.

Bagalata 5:1

Kreste o re lokolotse, hore re fele re be le bolokolohi. Tiisetsang ke hona, mme le se ke la dumela ho boela le jariswa joko ya bokgoba.

1 Petrose 2:16

Le phele ka bolokolohi; feela le se ke la bo sebedisa e le lesira le patang bobe, le mpe le phele le le bahlanka ba Modimo.