Baroma 12:16 - BIBELE

¹⁶ Utlwanang ka ho tlala, le se ke la ikakasa, empa le be metswalle ya ba eisehang. Le se ke la ipona bohlale.

Sesotho 1909/1961 (SO)

¹⁶ Kgomarelanang hammoho ka pelo e le nngwe; le se ke la lakatsa tse phahameng, le mpe le ipapise le tse nyenyane. Le se ke la ipona bohlale.

Baasraak Sotho NT

¹⁶ Ebang le kelello e le ’ngoe e mong ho e mong. Le se ke la hlokomela tse phahameng, le mpe le ipee boemong ba batho ba tlaase. Le se ke la ipona bohlale.

Contemporary Southern Sotho Bible 2024

¹⁶ Ebang le kelello e le ’ngoe e mong ho e mong. Le se ke la hlokomela tse phahameng, le mpe le ipee boemong ba batho ba tlaase. Le se ke la ipona bohlale.

Baroma 12:16 ပူးပေါင်းရင်းမြစ်များ

2 Dikronike 30:12

Le naheng ya Juda Modimo a etsa hore setjhaba sa teng se be pelonngwe, ho phetha taelo ya kgosi le ya mahosana, ho ya ka polelo ya Morena.

Jobo 36:5

“Modimo o matla, empa ha a nyedise batho; ha ho letho leo a sa le tsebeng.

Diproverbia 17:5

Ya somang mafutsana o soma Mmopi wa hae, ya thabelang tsietsi tsa e mong yena o tla otlwa.

Diproverbia 19:17

Ya hauhelang bafumanehi o adima Morena, seo a faneng ka sona Morena o tla mmuseletsa sona.

Diproverbia 19:22

Meharo e hlabisa motho dihlong; ho molemo ho futsaneha ho ena le ho bua leshano.

Diproverbia 19:7

Mofutsana o hlouwa le ke ba habo, metswalle ya hae yona e mo kgesa hakaakang! Leha a re o ipiletsa ho bona, ha ho moo a ba bonang teng.

Diproverbia 26:12

Motho ya ithetsang ka ho re o bohlale, o ka tshepa sethoto ho ena le yena.

Diproverbia 26:5

Araba sethoto ho ya ka bothoto ba sona, esere sa ipona se le bohlale.

Diproverbia 3:7

O se ipone o le bohlale, tshaba Morena, o sesefe bobe.

Isaia 5:21

Ho madimabe ba reng ba bohlale, bona ba iponang ba le masene.

Jeremia 32:39

Ke tla se nea pelo e leng nngwe le sepheo se le seng, hore se tle se ntshabe kamehla yohle, mme sona, mmoho le ditloholo tsa sona, se fumane tse molemo.

Jeremia 45:5

Na wena o ipatlela tse kgolo? Se ke wa di batla, hobane ke tla dihela koduwa hodima batho bohle, ho rialo Morena, empa wena ke tla o baballela bophelo ba hao hohle moo o yang teng.’ ”

Mattheu 11:5

Difofu di a bona, diritsa di a tsamaya, balepera ba a hlwekiswa, botsebetutu ba a utlwa, bafu ba a tsoha, mme mafutsana a bolellwa molaetsa o molemo.

Mattheu 26:11

Mafutsana le na le wona kamehla, athe nna le ke ke la ba le nna kamehla;

Luka 14:13

Empa ha o etsa mokete, mema mafutsana, le dihole, le diritsa, le difofu,

Luka 6:20

A phahamisetsa mahlo ho barutuwa ba hae, a re: “Ho lehlohonolo lona mafutsana, hobane Mmuso wa Modimo ke wa lona.

Diketso 4:32

Jwale bongata ba ba dumetseng ba eba pelonngwe le moyamong, mme ha se ke ha eba le ya mong ya reng tseo a nang le tsona ke tsa hae a le inotshi, empa tsohle ba di kopanela.

Baroma 11:20

E, ho jwalo. A kgaotswe ka baka la ho se dumele, athe wena o hlomathetse ka baka la tumelo. O se ke wa ikakasa, o mpe o tshabe,

Baroma 11:25

Bana beso, ho na le sephiri seo ke sa rateng hore le hloke tsebo ya sona, esere la ipona le le bohlale: e leng hore karolo e itseng ya setjhaba sa Iseraele e tla thatafala ho fihlela ha ho kene palo e lekaneng ya baditjhaba.

Baroma 12:3

Ka baka la neo ya mohau eo ke e neilweng, ke bolella e mong le e mong wa lona hore a se ke a ikgopola ho feta tekanyo, a mpe a inahane ka mokgwa o lekaneng, ho ya kamoo Modimo a lekanyeditseng e mong le e mong tumelo ya hae kateng.

Baroma 15:5

Jwale Modimo ya re fang mamello le matshediso a ke a le nee maikutlo a le mang ho ya ka thato ya Kreste Jesu,

Baroma 6:2

Le kgale! Rona ba shweleng ka nqeng ya sebe, re ka nna ra phela ho sona jwang?

1 Bakorinthe 1:10

Bana beso, ka lebitso la Morena wa rona Jesu Kreste ke ipiletsa ho lona hore bohle le be ntsweleng, dikarohano di be siyo hara lona, le mpe le utlwane, le be le maikutlo a le mang le kgopolo e le nngwe.

1 Bakorinthe 3:18

Ho se be ya ithetsang. Ha e mong hara lona a ikgopola hore o na le bohlale ba lefatshe lena, a ke a fetohe sethoto, e le hore a tle a hlalefe.

1 Bakorinthe 4:10

Rona re dithoto ka baka la Kreste, empa lona le bohlale ka ho ba ho Kreste. Rona re a fokola, empa lona le matla. Lona le a hlomphuwa, empa rona re a hlomphollwa.

1 Bakorinthe 6:5

Ke rialo hore le hlajwe ke dihlong! Na ha ho le ya mong ya bohlale hara lona, ya ka tsebang ho ahlola ditsekisanong tsa badumedi?

1 Bakorinthe 8:2

Haeba motho a lekanya hore o na le tsebo, ha a eso ka a tseba ho ya kamoo a tshwanetseng ho tseba kateng.

2 Bakorinthe 13:11

Jwale, bana beso, ke qetela ka ho re: Thabang, phethahalang, kgothalang, ebang le maikutlo a le mang, le phele ka kgotso, mme Modimo wa lerato, le wa kgotso, o tla ba le lona.

BaFilipi 1:27

Feela le ke le phele ka mokgwa o tshwanelang molaetsa o molemo wa Kreste, e le hore, leha nka tla ho le bona kapa ka sitwa, ke nne ke utlwe hore le ntse le tiile, le moyamong, mme ka maikutlo a le mang le lwanela tumelo e hlahiswang ke molaetsa o molemo.

BaFilipi 3:16

Leha ho le jwalo, a re tsweleng pele ka seo re seng re se fihletse.

BaFilipi 4:2

Ke rapela Efodia le Sintike hore ba be pelonngwe Moreneng.

BaHebheru 13:5

Bophelo ba lona bo se ke ba buswa ke ho rata tjhelete. Le kgotsofalle seo le nang le sona, hobane Modimo ka boyena o itse: “Ha nka ke ka o lahla, kapa ka o furalla.”

1 Petrose 3:8

Ke qetella ka ho re lona bohle le be pelonngwe, le utlwelane bohloko, le ratane jwaloka bana ba motho, le be mosa, le ikokobetse.

1 Petrose 5:3

Ba beilweng tlhokomelong ya lona, le se ke la ba busa ka thata, le mpe le be mohlala ho mohlape wa lona.

3 Johanne 1:9

Ke se ke ngoletse phutheho lengolo, empa Dioterefese, ya ratang ditulo tse kapele, ha a re amohele.