BaHebheru 11:25 - BIBELE

²⁵ a mpa a ikgethela ho hlekefetswa le setjhaba sa Modimo, ho ena le ho ithabisa ka sebe ka nakwana.

Sesotho 1909/1961 (SO)

²⁵ a mpa a ikgethela ho tshwenngwa le setjhaba sa Modimo, e seng ho thabela menate ya dibe e felang kapele;

Baasraak Sotho NT

²⁵ a ikhethela ho hlorisoa hammoho le sechaba sa Molimo, ho e-na le ho thabela menate ea libe ka nakoana;

Contemporary Southern Sotho Bible 2024

²⁵ a ikhethela ho hlorisoa hammoho le sechaba sa Molimo, ho e-na le ho thabela menate ea libe ka nakoana;

BaHebheru 11:25 ပူးပေါင်းရင်းမြစ်များ

Jobo 20:5

Modidietsane wa ba kgopo o sekgwahla, mokoka ha o yo, thabo ya baetsadibe ke ya motsotswana feela?

Jobo 36:21

Hlokomela, o se sekamele bokgopong, boo o bo ratang ho feta tlokotsi.

Dipesaleme 47:9

Modimo o rena hodima ditjhaba, Modimo o dutse teroneng, teroneng ya hae e halalelang.

Dipesaleme 84:10

Modimo, wena thebe ya rona, ako tadime, o bone sefahleho, fahleho sa motlotsuwa wa hao.

Isaia 21:4

Pelo ya ka e a uba, ke thothomela ke tshabo, shwalane eo ke e hlolohetsweng e nkenyeditse letswalo.

Daniele 3:18

Empa haeba ho ke ke ha eba jwalo, ako tsebe, wena kgosi, hore re ke ke ra sebeletsa medimo ya hao, kapa ra kgumamela setshwantsho sa kgauta seo o se emisitseng.”

Mattheu 13:21

empa ha a na metso ka ho yena, ke motho ya mamellang ka nakwana, mme ha ho hlaha matshwenyeho kapa ditlhoriso ka baka la Lentswe la Modimo, o phakisa ho kweneha.

Luka 16:25

“Empa Aborahama a re: ‘Ngwana ka, hopola hore tse molemo tsa hao o di amohetse bophelong ba hao; ka mokgwa o jwalo Lasaro o amohetse tse mpe, empa jwale o tshediswa mona, ha wena o hlokofatswa.

Diketso 7:34

Ruri ke bone tshotleho ya setjhaba sa ka se Egepeta, ke utlwile ho dumaela ha sona, mme ke theohetse lefatsheng ke hona ho tla se lopolla; jwale tloo, ke tla o roma Egepeta.’

Baroma 5:3

Ho feta mona, re motlotlo le hara matshwenyeho, ka ho tseba hore matshwenyeho a hlahisa mamello,

2 Bakorinthe 5:17

Ka tsela ena, ha motho a le ho Kreste, ke mmopuwa e motjha; tsa kgale di fetile, tse ntjha di hlahile.

BaKolose 1:24

Ke thabela ho hlokofatswa ka baka la lona jwale, hobane bothong ba ka ke qetela mahloko a saletseng ho ao Kreste a bileng le wona ka baka la mmele wa hae, e leng kereke.

2 Timothea 1:8

Ka hona se be dihlong ho paka Morena wa rona, kapa nna ke leng motshwaruwa ka baka la hae. Empa o mamelle le nna mahloko a bakwang ke molaetsa o molemo, ka matla a Modimo,

BaHebheru 10:32

Hopolang ditshiu tse fetileng, tseo eitseng hoba le qale ho bona lesedi ka tsona, le ileng la tiisetsa ntweng e boima, e bohloko.

BaHebheru 11:37

Ba tlepetswa ka majwe, ba kgaolwa mmele koto tse pedi, ba bolawa ka sabole. Ba ile ba phailaka ba apere matatana, ba futsanehile, ba hlorisitswe, ba hlekefeditswe.

BaHebheru 4:9

Ha ho le jwalo, setjhaba sa Modimo se sa saletswe ke letsatsi la phomolo,

Jakobo 1:20

hobane motho ya halefileng a ke ke a etsa ho lokileng pela Modimo.

Jakobo 5:5

Le phetse menateng le menyakeng mona lefatsheng, la inontshetsa letsatsi leo ka lona le tla hlajwa jwaloka dinku.

1 Petrose 2:10

Pele le ne le se setjhaba, empa jwale le setjhaba sa Modimo; le ne le sa hauhelwa, empa jwale le hauhetswe.

Tshenolo 18:7

Le e nee tlhokofatso le mahlomola a lekanang le boithoriso ba yona le boithabiso ba yona hobane ka pelong ya yona, e re: ‘Ke dutse teroneng ke le mofumahadi, ha ke mohlolohadi, mme ha nka ke ka tseba mahlomola.’