Bagalata 3:19 - BIBELE

¹⁹ Ha ho le jwalo, Molao o sebetsang? O ile wa etsetswa ho totobatsa ditlolo tsa molao, hore o sebediswe ho fihlela ho etla setloholo sa Aborahama se etseditsweng tshepiso, mme wa phatlalatswa ke mangeloi, ka mmoelanyi.

Sesotho 1909/1961 (SO)

¹⁹ Ha ho le jwalo, molao ke wa ho etsang? O beilwe ka baka la ditlolo, ho tle ho be ho fihle leloko leo dipallo di etseditsweng lona, mme o tiisitswe ke mangeloi ka letsoho la mmuelli.

Baasraak Sotho NT

¹⁹ Ke ka baka lang ha ho le jwalo, molao o sebeletsa? O ile wa eketswa ka baka la ditlolo, ho fihlela ho fihla peo eo tshepiso e neng e entswe ho yona; mme e ne ya tlhomiwa ke baengele ka seatla sa motsereganyi.

Contemporary Southern Sotho Bible 2024

¹⁹ Ke ka baka lang ha ho le jwalo, molao o sebeletsa? O ile wa eketswa ka baka la ditlolo, ho fihlela ho fihla peo eo tshepiso e neng e entswe ho yona; mme e ne ya tlhomiwa ke baengele ka seatla sa motsereganyi.

Bagalata 3:19 ပူးပေါင်းရင်းမြစ်များ

Dipesaleme 106:23

Yaba o re o a ba fedisa, empa Moshe, mokgethwa wa hae, a kena dipakeng, a phoka bohale ba hae hore bo se ba timetse.

Levitike 15:32

Ona ke molao o etseditsweng monna ya qhitsang lero botoneng ba hae, kapa ya hoshotsang metsi a bonna, mme eba o ba sesila.

Luka 16:31

“Aborahama a re ho yena: ‘Ha ba sa utlwe Moshe le Baporofeta, ha ba ka ke ba kgolwa leha e mong a ka tsoha bafung.’ ”

Johanne 1:17

hobane Molao o neilwe batho ka Moshe, empa mohau le nnete di bile teng ka Jesu Kreste.

Johanne 15:22

Ha ke ne ke sa ka ka tla ho bua le bona, ba ka be ba se na sebe, empa jwale ha ba na boitatolo ka sebe sa bona.

Diketso 7:38

Ke yena ya ileng a ba teng phuthehong e lehwatateng, a ena le lengeloi le neng le bua le yena Thabeng ya Sinai, a ntse a ena le bo-ntata rona; ke yena ya amohetseng dipolelo tse phedisang ho le nea tsona.

Diketso 7:53

lona ba amohetseng Molao oo le o neeleditsweng ke mangeloi, empa la se ke la o boloka.”

Baroma 2:13

Ba lokileng pela Modimo hase ba utlwang Molao ka ditsebe feela, empa ba phethang Molao ke bona ba tla lokafatswa.

Baroma 4:15

hobane Molao o tlisa kgalefo ya Modimo; athe moo ho se nang molao, tlolo ya molao ha e yo.

Bagalata 3:16

Jwale ditshepiso di ile tsa etsetswa Aborahama le setloholo sa hae. Mangolo ha a re “ditloholo”, e leng ho bolela batho ba bangata, empa a re “le setloholo sa hao”, e leng ho bolela motho a le mong feela, Kreste.

Deuteronoma 33:2

A na a re: “Morena o ne a etswa Sinai, tjhaba a se tjhabela a etswa Seire; a phatsima a le hodima Thaba ya Parane, kete tsa bahalaledi di mo apere, ka le letona a utlile sabole e tukang malakabe.

Deuteronoma 5:5

Ka yona nako eo, ke ile ka ema pakeng tsa lona le Morena, ho le bolella dipolelo tsa Morena. Ka lebaka la mollo lona le ne le tshaba, mme ha le a ka la hlwella thabeng.” “Yaba Morena o re:

BaHebheru 2:2

Lentswe le boletsweng ke mangeloi le tiile, mme ho le tlola le ho se le mamele ho nnile ha fumana moputso o lokelang.

BaHebheru 2:5

Modimo ha a a bea lefatshe le tlang, leo re buang ka lona, taolong ya mangeloi.