Baahlodi 7:13 - BIBELE

¹³ Ha Gideone a fihla a utlwa monna e mong a phetela molekane wa hae toro eo a e lorileng, a re: “Mamela, ke lorile toro, mme ka bona kuku e entsweng ka phofo ya harese e thetehela kahara diahelo tsa Bamidiane. Ya fihla tenteng, ya e thula, yaba tente e a wa, e a phethoha, e putlama fatshe.”

Sesotho 1909/1961 (SO)

¹³ Eitse ha Gideone a fihla teng, bonang, motho o ne a phetela molekane wa hae toro, a re: Bona, ke lorile toro; ke bone ho hlaha ntho e kang senkgwana sa harese se thetehela diahelong tsa Bamidiane; sa fihla tenteng, sa e otla, sa e qethosa fatshe, tente ya ba ya rapalla.

Baahlodi 7:13 ပူးပေါင်းရင်းမြစ်များ

1 Bakorinthe 1:27

Empa bao e leng dithoto ho lefatshe, Modimo o ba kgethile ho swabisa ba bohlale. Ba fokolang ho lefatshe, Modimo o ba kgethile ho swabisa ba matla;

Baahlodi 3:15

Empa ha bana ba Iseraele ba ipiletsa ho Morena, Morena a ba hlahisetsa mopholosi. Ke Ehude, mora wa Gera wa Mobenjamine, monna ya leqele. Bana ba Iseraele ba mo roma ho isetsa Egelone, kgosi ya Moabe, nyehelo.

Baahlodi 3:31

Kamora Ehude moahlodi ya eba Shamegare, mora wa Anate, ya neng a bolaye Bafilesita ba makgolo a tsheletseng ka tsenene e potlakisang dipholo, mme le yena a namolela Baiseraele.

Baahlodi 4:21

Jwale Jaele, mosadi wa Hebere, a nka thakgisa ya tente, a nka le noto ka letsohong, a mo nanyetsa, a kgokgothella thakgisa eo tlhafunelong ya hae, ya phunyeletsa ho ya fihla fatshe. Sisera o ne a ile le sephume sa boroko, a kgathetse. Yaba o a shwa.

Baahlodi 4:9

Debora a re: “Ruri ke tla tsamaya le wena, empa leeto leo o le nkang ha le na ho o tlisetsa tlotla, hobane Morena o tla neelana ka Sisera matsohong a mosadi.” Yaba Debora o a ema, o tsamaya le Barake ho ya Kedeshe.

Baahlodi 6:15

Gideone a re ho Morena: “Oho, Morena ka, ke tla namolela Baiseraele ka eng? Bona, lelapa leso ke lona le fokolang haholo morabeng wa Manase, mme nna ke wa ho fejana lapeng leso.”

Baahlodi 7:12

Bamidiane, le Baamaleke, le ditjhaba tsa botjhabela, ba ne ba hwaramane ka kgohlong jwaloka boiyane ba ditsie. Dikamele tsa bona di ne di ke ke tsa balwa, di le kaa ka lehlabathe le lebopong la lewatle ka bongata.

Baahlodi 7:14

Molekane wa hae a araba, a re: “Toro ena ha e bolele letho, haese sabole ya Gideone, mora wa Jowashe, monna wa Moiseraele. Modimo o neelane ka Bamidiane le lebotho lohle matsohong a hae.”

Baahlodi 8:10

Bo-Seba le Salemuna ba ne ba le Karakore, ba ena le mabotho a bona, ao e neng e ka ba banna ba dikete tse leshome le metso e mehlano. E ne e le bona feela ba neng ba ile ba sala lebothong la ditjhaba tsa botjhabela. Bahlabani ba neng ba ile ba bolawa e ne e le dikete tse lekgolo le mashome a mabedi.