Baahlodi 18:27 - BIBELE

²⁷ Ba nka dintho tseo Mmika a neng a di entse, ba nka le moprista wa hae, ba fihla Laishe, setjhabeng sa kgotso, se iketlileng, ba se bolaya ka sabole, ba tjhesa motse ka mollo.

Sesotho 1909/1961 (SO)

²⁷ Haele bao, eitse hobane ba nke ntho tseo Mika a di entseng, le moprista wa hae ba fihla Laishe, batho ba teng ba ntse ba dutse ka kgotso le ka boiketlo; ba ba bolaya ka bohale ba lerumo, mme ba tjhesa motse.

Baahlodi 18:27 ပူးပေါင်းရင်းမြစ်များ

Genese 49:16

“Dane o tla busa setjhaba sa hae e le e mong wa merabe ya Iseraele.

Deuteronoma 33:22

“Ho Dane a re: “ ‘Dane yena ke dinyane la tau, le tlolang le etswa Bashane.’

Joshua 11:11

Batho bohle ba neng ba phela moo ba ba bolaya ka sabole, mme ba ba timetsa ho hang, ha se ke ha sala le ya mong ya phelang. Motse wa Hasore ba o tjhesa ka mollo.

Joshua 19:47

Bana ba Dane ba ne ba haellwa ke naha ya bona, mme ba nyoloha, ba futuhela Lesheme. Ba e hapa, ba bolaya baahi ba yona ka sabole, ya eba ya bona. Ba aha ho yona, yaba Lesheme ba se ba e bitsa Dane ka ho e reella ntata bona Dane.

Baahlodi 18:10

Ha le eya, le tla fumana batho ba iketlileng, mme naha e le kgolo. Modimo o le neile yona matsohong, mme ke sebaka se sa haellweng ke letho la tse teng lefatsheng.”

Baahlodi 18:26

Bana ba Dane ba tswela pele leetong la bona. Ha Mmika a bona hore ba matla ho mo feta, a kgutlela tlung ya hae.

Baahlodi 18:7

Banna bao ba bahlano ba tsamaya, ba fihla Laishe, ba fumana batho ba phelang moo ba phela ka boiketlo, jwaloka Basidone, ba kgotsofetse, ba iketlile, hobane naheng eo ho ne ho se le ya mong ya nang le matla hodima bona, ya ka ba tshwenyang ka letho. Ba ne ba le hole le Basidone, mme ba sa amane le motho ofe kapa ofe ka letho.

Baahlodi 8:11

Gideone a nyoloha ka tsela e sebediswang ke ba phelang ditenteng, ka botjhabela ho Noba le Jogeboha, a tsometsa lebotho leo, a le bolaya.