Baahlodi 18:19 - BIBELE

¹⁹ Ba re ho yena: “Kgutsa! Bea letsoho molomong, o tsamaye le rona, mme o be ntata rona le moprista wa rona. Ho molemo ho wena ke hofe: Ho ba moprista wa lelapa la motho a le mong, kapa ho ba moprista wa morabe le wa lelapa la Iseraele?”

Sesotho 1909/1961 (SO)

¹⁹ Ba re ho yena: Thola, o thibe molomo wa hao ka letsoho, o tsamaye le rona, o be ntata rona le moprista wa rona; haele hore o be moprista wa ntlo ya motho a le mong, kapa o be moprista wa leloko le le leng le wa lesika le le leng la Iseraele, ho molemo ho wena e ka ba hofe na?

Baahlodi 18:19 ပူးပေါင်းရင်းမြစ်များ

2 Marena 13:14

Elisha o ne a kulela lefu. Yaba Jehowashe, kgosi ya Iseraele, o theohela ho yena; ha a ntse a lla, meokgo ya hae ya keleketlela hodima sefahleho sa Elisha, a re: “Ntate! Ntate! Wena mohlabanedi le thebe ya Iseraele!”

2 Marena 6:21

Ha kgosi ya Iseraele e ba bona, ya re ho Elisha: “Ntate, ke ba bolaye? Ke ba bolaye?”

Jobo 21:5

Ntadimeng, le tswe le makala, le thibe melomo ka matsoho a lona.

Jobo 29:9

mahosana le wona a kgaotse ho bua, ka matsoho a wona a ithibe melomo;

Diproverbia 30:32

“Haeba o bile sethoto, wa ikgantsha, kapa wa nahana merero e mebe, bea letsoho molomong o kgutse,

Mikea 7:16

Ditjhaba di tla bona, di hlajwe ke dihlong, le hoja di le matla; ditjhaba di tla makala, di be di hlollwe, le tsebe tsa tsona di be di thibane.

Mattheu 23:9

Mona lefatsheng le se ke la bitsa motho ‘Ntata lona,’ hoba le na le Ntate a le mong, lehodimong.

Baahlodi 17:10

Mmika a re ho yena: “Dula mona ha ka, mme o be ntate le moprista wa ka. Ka selemo ke tla o lefa tjhelete ya silefera e ka etsang boima ba dikeramo tse lekgolo le leshome, ke o fe le diaparo, le dijo.” Yaba Molevi o a kena.

Baahlodi 18:18

Ha banna bana ba kena ka tlung ya Mmika, ba nka setshwantsho se betlilweng, le setipe, le modingwana wa lelapa, le setshwantsho se bopilweng, moprista a re ho bona: “Le etsang?”

Baahlodi 18:20

Moprista a nyakalla. A nka setipe, le modingwana wa lelapa, le setshwantsho se betlilweng, mme a kena hara setjhaba seo.