2 Dikronike 4:22 - BIBELE

²² A etsa le dikere tse lokisang dikgwele tsa mabone, le dikotlolo, le dikgaba, le dipitsana tsa mokubetso, ka kgauta e hlwekisitsweng. Hodima monyako wa Tempele, le hodima mamati a Sehalalelo se halalelang ka ho fetisisa, le hodima mamati a Tempele, a maneha kgauta e hlwekisitsweng.

Sesotho 1909/1961 (SO)

²² le matlao, le mafiso, le dikgaba, le dipitsa tsa dibano tsa kgauta e hlwekileng, le monyako wa ntlo, le mamati a wona a kahare a sehalaledisiso, le mamati a menyako ya ntlo ya tempele; le wona ya eba a manehilweng ka kgauta.

2 Dikronike 4:22 ပူးပေါင်းရင်းမြစ်များ

1 Marena 6:35

Hodima wona Solomone a betla ditshwantsho tsa dikerubime, le tsa dipalema, le tsa dithunthung, mme ditshwantsho tseo a di maneha kgauta.

1 Marena 7:50

le dikotlolo, le ditimamabone, le matlao, le dikgaba, le dipitsana tsa mokubetso tsa kgauta e hlwekileng, le dihokelo tsa kgauta tsa mamati a Sehahalelo sa halalelang ka ho fetisisa, le tsa mamati a ntlo, e leng Tempele.

2 Marena 12:13

Leha ho le jwalo, ka tjhelete ena e neng e tlisitswe ka Tempeleng ya Morena, ha ho a ka ha etsetswa Tempele ya Morena dikotlolo tsa silefera, le ditimamabone, le matlao, le diterompeta, leha e le eng kapa eng ya kgauta kapa ya silefera.

2 Marena 25:14

Dipitsa, le dikgarafu, le ditimamabone, le dikgaba, le dintho tsohle tse entsweng ka lethose, tseo ho neng ho sebeletswa ka tsona, ba di nka.

2 Dikronike 4:21

Ka kgauta e hlwekisitsweng a etsa dipalesa, le mabone, le matlao.

2 Dikronike 5:1

Yaba mosebetsi wohle, oo Solomone a neng a o etsetsa Tempele ya Morena, o a phethwa. Jwale Solomone a kenya dintho tsohle tseo Davida, ntatae, a neng a di abetse Morena, ka matlung a polokelo a Tempele. E ne e le silefera, le kgauta, le dintho tsohle.

Eksoda 25:38

Matlao a sona, le dithotobolo tsa sona, e be tsa kgauta e hlwekileng.

Eksoda 27:3

O tla e etsetsa dithotobolo tsa yona, le dikgarashwana tsa yona, le dinwelo tsa yona, le difereko tsa yona tse hlabang nama, le dipane tsa yona; thepa yohle ya yona e etswe ka lethose.

Eksoda 37:23

A etsa mabone a sona a supileng, le matlao a sona, le dithotobolo tsa sona, ka kgauta e hlwekileng.

Jeremia 52:18

Dipitsa le dikgarafu, le ditimamabone le dikgaba, le dintho tsohle tse entsweng ka lethose, tseo ho neng ho sebeletswa ka tsona, ba di nka.

Ezekiele 41:24

Lemati le leng le le leng le ne le bulehela ka nqena le ka nqane.