2 Dikronike 3:14 - BIBELE

¹⁴ A etsa lesira ka masela a maputswa, le a perese, le a mafubedu, le a lene, mme a etsa ditshwantsho tsa dikerubime hodima lona.

Sesotho 1909/1961 (SO)

¹⁴ A etsa le lesela la purepera le sekarelata le vermilione le lene e ntle, mme a le kgabisa ka dikerubime.

2 Dikronike 3:14 ပူးပေါင်းရင်းမြစ်များ

2 Dikronike 3:13

Mapheo a dikerubime tsena tse pedi, ha a thathaletse, a ne a etsa bolelele ba dimethara tse ka bang robong. Dikerubime tsena di ne di eme ka maoto, di tadimile Sehalalelong.

Eksoda 38:18

Lesira la monyako wa seotlwana le ne le entswe ke sehomi, lesela le leputswa, le le perese, le le lefubedu, le le entsweng ka lene, le loehileng. Bolelele ba lona e ne e le dimethara tse robong; bophara ba lona e le dimethara tse pedi, hore le tshwane le masela a lepeletseng a seotlwana.

Numere 4:5

Etlare ha ho tlohuwa mo ho neng ho hlomilwe teng, Arone le bara ba hae ba theole lesira la seotlwana, mme ka lona ba kwahele areka ya selekane.

Mattheu 27:51

Bonang, lesira la Tempele la taboha ka lehare, ho tloha hodimo ho isa tlase, lefatshe la sisinyeha, mafika a petsoha,

BaHebheru 10:20

Re na le tsela e ntjha, e phelang, eo a re buletseng yona ka ho phunyeletsa lesira, e leng botho ba hae.

BaHebheru 9:3

Kamora lesira la bobedi ho ne ho ena le karolo ya bobedi ya Tente, e neng e bitswa Sehalalelo se halalelang ka ho fetisisa.