2 Dikronike 24:15 - BIBELE

¹⁵ Ha Jehoyada a se a tsofetse, e se e le mobu, a hlokahala a ena le dilemo tse lekgolo le mashome a mararo.

Sesotho 1909/1961 (SO)

¹⁵ Empa Jehojada a tsofala, a tlala matsatsi, a ba a shwa; o ne a le dilemo tse lekgolo le mashome a mararo mohla a shwang.

2 Dikronike 24:15 ပူးပေါင်းရင်းမြစ်များ

Genese 15:15

Ha e le wena o tla ikela ho bo-ntatao ka kgotso, mme o tla shwa hoba o phele halelele ka boiketlo.

Genese 25:8

Aborahama a neela moya, a shwa, mme a orohela ho bang ka yena, hoba a phele halalele ka boiketlo, a hodile, a atetswe ke ditshiu.

Genese 47:9

Jakobo a re ho Faro: “Dilemo tsa bojaki ba ka mona lefatsheng ke lekgolo le mashome a mararo. Dilemo tsa bophelo ba ka di bile kgutshwanyane, tsa eba thata, mme ha di a fihla dilemong tseo bo-ntate ba di phetseng.”

1 Dikronike 23:1

Ha Davida a se a hodile, e se e le mobu, a bea mora wa hae Solomone hore e be kgosi ya Baiseraele.

2 Dikronike 24:14

Ha ba se ba e qetile, ba tlisa tjhelete e setseng ho kgosi le ho Jehoyada, mme ka yona ha etswa thepa ya Tempele ya Morena, le dintho tse sebeletsang, le tsa ho etsa dinyehelo, le dikgaba, le dintho tse entsweng ka kgauta, le ka silefera. Ka matsatsi wohle a ho phela ha Jehoyada, ba nna ba etsetsa Morena dinyehelo tsa setjheso ka Tempeleng ya Morena.

2 Dikronike 24:16

A epelwa Motseng wa Davida, le dikgosi tse ding, hobane o ne a sebeleditse Iseraele, le Modimo, le Tempele ya Modimo hantle.

2 Dikronike 24:3

Jehoyada a mo nyadisa basadi ba babedi, mme a tswala bara le baradi.

Jobo 5:26

O tla ya lebitleng lemo tsa hao di ngatafetse, jwaloka koro e yang seotlong e se butswitse.

Dipesaleme 90:10

Ditshiu tsa ho phela ha rona ke dilemo tse mashome a supileng; ha re phela hantle, di mashome a robedi. Empa bongata ba tsona ke ba ditsietsi le mahlomola; di feta kapele, ebe re ile.

Dipesaleme 91:16

Ke tla mo sitsa ka ditshiu tse telele, ke mmontshe ho pholosa ha ka.”