2 Dikronike 20:37 - BIBELE

³⁷ Jwale Eleesere, mora wa Dodawa, ya tswang Maresha, a porofetela Jehoshafate bobe bo tla mo hlahela, a re: “Kahobane o entse selekane le Akasiya, Morena o sentse mosebetsi wa hao.” Kahoo dikepe tsa hae tsa pshatleha, tsa sitwa ho ya Tarashishe.

Sesotho 1909/1961 (SO)

³⁷ Empa Eliesere, mora Dodava, wa Maresha, a porofetela Josafate, a re: Erekaha o ikopantse le Akasia, Jehova o se a sentse mosebetsi wa hao. Yaba dikepe di a robeha, tsa sitwa ho ya Tarshishe.

2 Dikronike 20:37 ပူးပေါင်းရင်းမြစ်များ

1 Marena 22:48

Kgosi Jehoshafate a haha dikepe tsa kgwebo hore di tle di yo lata kgauta Ofire, empa tsa se ke tsa finyella, hobane di ile tsa pshatlwa ke difefo Esione-Gebere.

2 Dikronike 11:8

le Gade, le Maresha, le Sife,

2 Dikronike 16:9

Morena o bona tsohle tse lefatsheng, ho matlafatsa le ho thusa ba mo tshepang ka dipelo tsohle tsa bona. Empa mona teng o sebeditse ka bothoto; ka baka leo, ho tloha jwale o tla lweba kahara ntwa.”

2 Dikronike 19:2

Jehu, mora wa Hanani wa moporofeta, a ya mo kgahlanyetsa, mme a re ho kgosi Jehoshafate: “Na ke hantle ho thusa batho ba kgopo, le ho rata ba hloileng Morena? Ka baka leo, Morena o o halefetse.

2 Dikronike 20:36

Jehoshafate a etsa tumellano le Akasiya hore ba hahe dikepe tse tla ya Tarashishe. Dikepe tseo tsa hahelwa motseng wa Esione-Gebere.

2 Dikronike 21:1

Jehoshafate a shwa, mme a epelwa ho bo-ntatae, Motseng wa Davida. Jehorame, mora wa hae, a mo hlahlama.

2 Dikronike 9:21

Dikepe tsa kgosi di ne di eya Tarashishe, di kgannwa ke bahlanka ba Hurame. Hanngwe kamora dilemo tse tharo, sehlopha sa dikepe tsena tsa Tarashishe, se ne se ye se tle, se tlise kgauta, le silefera, le manaka a ditlou, le dikgabo, le dipikoko.

Diproverbia 13:20

Ya tsamayang le bahlalefi o a hlalefa, molekane wa dithoto yena o a thotofala.

Diproverbia 9:6

Furallang ba se nang tsebo le tle le phele, le tsamaye tseleng ya kutlwisiso.

BaHebheru 12:6

hoba Morena o kgalema eo a mo ratang, o shapa mora e mong le e mong eo a mo amohelang.”

Tshenolo 3:19

“Bohle bao ke ba ratang ke a ba kgalemela, mme ke a ba otla. Tjheseha he, mme o bake.