2 Dikronike 12:10 - BIBELE

¹⁰ Sebakeng sa tsona, kgosi Rehoboame a etsa dithebe tsa lethose, mme a di bea taolong ya balaodi ba balebedi ba neng ba lebela monyako wa ntlo ya kgosi.

Sesotho 1909/1961 (SO)

¹⁰ Bakeng sa tsona, morena Roboame a etsa dithebe tsa koporo, a di bea matsohong a balaodi ba dititimi tse neng di lebela monyako wa ntlo ya morena.

2 Dikronike 12:10 ပူးပေါင်းရင်းမြစ်များ

2 Samuele 23:23

O ne a tumile ho feta ba mashome a mararo, empa a sa tuma jwaloka balaodi ba bararo ba pele. Davida a mo etsa mookamedi wa balebedi ba hae.

2 Samuele 8:18

Benaya, mora wa Jehoyada, o ne a laola Bakerete le Bapelete; bara ba Davida bona e le batlatsi.

1 Marena 10:16

Kgosi Solomone a etsa dithebe tse makgolo a mabedi ka kgauta e thutsweng, mme thebe e nngwe le e nngwe ya etswa ka kgauta e etsang boima ba dikilo tse supileng.

1 Marena 14:27

Sebakeng sa tsona kgosi Rehoboame a etsa dithebe tsa lethose, mme a di bea taolong ya balaodi ba balebedi ba neng ba lebela manyako wa ntlo ya kgosi.

1 Dikronike 11:25

O ne a tumile ho feta ba mashome a mararo, empa a sa tuma jwaloka balaodi ba bararo ba pele. Davida a mo etsa mookamedi wa balebedi ba hae.

2 Dikronike 12:11

Kamehla, ha kgosi e ne e kena ka Tempeleng ya Morena, balebedi ba ne ba ye ba nke dithebe tseo, ba be ba di kgutlisetse ka tlung ya balebedi.

2 Dikronike 12:9

Yaba Shishake, kgosi ya Egepeta, o futuhela Jerusalema. A hapa matlotlo a Tempele ya Morena, le matlotlo a ntlo ya kgosi. A hapa tsohle; a hapa le dithebe tsa kgauta tse neng di entswe ke Solomone.

KOLI-YA-MALLA 4:1

Kgauta e phatsimang e fifetse hakaakang! Kgauta e hlwekileng e silafetse hakaakang! Majwe a bohlokwa a qhalane kahohle hukung tsa diterata tsohle!