2 BaThesalonika 1:4 - BIBELE

⁴ Ke kahoo re ithorisang ka lona dikerekeng tsa Modimo, ka baka la tiisetso le tumelo ya lona hara ditlhoriso tsohle tsa lona, le matshwenyeho ao le a mamellang.

Sesotho 1909/1961 (SO)

⁴ Ke hona re ithorisang ka lona dikerekeng tsa Modimo, ka baka la sebete sa lona le la tumelo ya lona dihlorisong le matshwenyehong ao le a mamellang;

Baasraak Sotho NT

⁴ hoo le rona ka borona re ithorisang ka lona diphuthehong tsa Modimo ka baka la mamello ya lona le tumelo ya lona dihlorisong tsohle tsa lona le ditsietsi tseo le di mamellang.

Contemporary Southern Sotho Bible 2024

⁴ Hoo le rona ka borona re ithorisang ka lona diphuthehong tsa Modimo ka baka la mamello ya lona le tumelo ya lona dihlorisong tsohle tsa lona le ditsietsi tseo le di mamellang.

2 BaThesalonika 1:4 ပူးပေါင်းရင်းမြစ်များ

Baroma 12:12

Thabang ka baka la tshepo ya lona, mamellang matshwenyehong, tiisetsang thapelong.

Baroma 2:7

Ba batlang tlotla le hlompho le ho se shwe, ka ho tiisetsa ho etsa tse lokileng, o tla ba nea bophelo bo sa feleng.

Baroma 8:25

Empa ha re tshepile ho fumana seo re esong ho be le sona, re se lebella ka mamello.

1 Bakorinthe 7:17

E mong le e mong a phele ho ya kamoo Morena a mo abetseng kateng, kamoo a neng a le kateng ha Modimo a mmitsa. Sena ke seo ke se laelang dikereke tsohle.

2 Bakorinthe 12:10

Ka baka leo, ke thabela bofokodi, mahlapa, ditsietsi, ditlhoriso, le mahlomola, ka baka la Kreste, hobane ha ke fokola, eba ke hona ha ke le matla.

2 Bakorinthe 7:14

Haeba ke ile ka ithorisa ka ho hong ho yena ka lona, ha ke hlajwe ke dihlong. Kamehla re buile nnete ho lona; ka mokgwa o jwalo, le boithoriso ba rona ho Tite e bile ba nnete.

2 Bakorinthe 7:4

Ke le tshepile haholo, ke motlotlo ka lona; matshwenyehong a rona wohle ke ntse ke tletse tshepo, thabo ya ka e a kgaphatseha.

2 Bakorinthe 9:2

Ke tseba hore le thahasella ho thusa, mme ke ithorisitse ka hona ho ba Masedonia, ka bolela hore ba Akaya ba se ba itokiseditse ho thusa ho tloha ngwahola. Mafolofolo a lona a phaphamisitse batho ba bangata.

2 Bakorinthe 9:4

Ho seng jwalo, ha ba bang ba Masedonia ba ka tla le nna, mme ba fumana hore ha le a itokisa, tshepo e kaalo eo re e beileng ho lona e tla re fetohela dihlong, ke se ke sa re letho ka lona.

1 BaThesalonika 1:3

Pela Modimo, Ntata rona, re hopola mesebetsi ya tumelo ya lona, le boiteko ba lerato la lona, le tiisetso ya tshepo ya lona ho Morena wa rona Jesu Kreste.

1 BaThesalonika 2:14

Le lona, bana beso, le ile la tshwana le dikereke tsa Modimo tse Judea, tseo e leng tsa Kreste Jesu, hobane le lona le hlokofaditswe ke ba habo lona, jwalokaha le tsona di ile tsa hlokofatswa ke Bajuda.

1 BaThesalonika 2:19

Ana ha re ema kapele ho Morena wa rona Jesu, mohla a tlang, tshepo ya rona, thabo ya rona, moqhaka oo re leng motlotlo ka wona, e tla ba ofe, haese lona?

2 BaThesalonika 3:5

Morena a ke a sokollele dipelo tsa lona leratong la Modimo le tiisetsong e kang ya Kreste.

BaHebheru 10:36

Le sa hloka mamello, e le hore, ka ho phetha thato ya Modimo, le tle le amohele seo le se tshepisitsweng,

BaHebheru 6:12

Le se ke la tepella, le mpe le etsise bao, bao ka tumelo le mamello, ba jang lefa la tseo ba di tshepisitsweng.

BaHebheru 6:15

Aborahama o ile a tiisetsa, mme ka hona a fumana seo a se tshepisitsweng.

Jakobo 5:11

Bonang, ba mameletseng re re ba lehlohonolo. Le utlwile tsa mamello ya Jobo, mme le lemohile sepheo sa Morena, hobane Morena o tletse mohau le kutlwelobohloko.

2 Petrose 1:6

mme tsebong ya lona le eketse boitshwaro, boitshwarong le eketse mamello, mamellong le eketse borapedi,

Tshenolo 14:12

Mona ho batleha tiisetso ya badumedi ba bolokang ditaelo tsa Modimo le tumelo ho Jesu.