1 Petrose 3:17 - BIBELE

¹⁷ Ho molemo ho hlokofaletswa ho etsa tse ntle, haeba e le thato ya Modimo, ho ena le ho hlokofaletswa ho etsa tse mpe.

Sesotho 1909/1961 (SO)

¹⁷ Hobane, ha ekaba ke thato ya Modimo hore le utlwiswe bohloko, ho ka fetisa hore le bo utlwe le ntse le etsa hantle, e seng hampe.

Baasraak Sotho NT

¹⁷ Hobane ho molemo ho hlokofatswa ha le etsa hantle, ha e le thato ya Modimo, ho ena le ho hlokofatswa le etsa bobe.

Contemporary Southern Sotho Bible 2024

¹⁷ Hobane ho molemo ho hlokofatswa ha le etsa hantle, ha e le thato ya Modimo, ho ena le ho hlokofatswa le etsa bobe.

1 Petrose 3:17 ပူးပေါင်းရင်းမြစ်များ

Mattheu 26:39

A ya pejana, a itihela fatshe ka sefahleho, a rapela, a re: “Ntate, haeba ho ka etsahala, senwelo sena a se ke se mphete, empa ho be kamoo ho ratang wena kateng, e seng nna.”

Mattheu 26:42

A tloha ho bona kgetlo la bobedi, a ya rapela, a re: “Ntate, haeba senwelo sena se sitwa ho mpheta ke sa se nwe, a ho etswe thato ya hao!”

Diketso 18:21

a mpa a ba dumedisa, a re: “Ke tla boela ho lona ha Modimo a rata.” A tloha Efese ka sekepe.

Diketso 21:14

Yare ha a hana ho rapeleha, ra ineela, ra re: “A ho etswe thato ya Morena!”

1 Petrose 1:6

Le nyakaletse ke hona, leha hajwale le sa tshwanetse ho hlomoha ka nakwana, ka baka la ho lekwa ka mekgwa e mengata.

1 Petrose 2:15

Ke thato ya Modimo hore, ka ho etsa tse ntle, le fedise dipuo tsa bowatla, tsa dithoto.

1 Petrose 2:20

Le ka ithorisa jwang ha le mamella dikotlo hobane le entse dibe? Empa ha le mamella mahloko, leha le ntse le etsa tse ntle, hona ho hotle mahlong a Modimo.

1 Petrose 3:14

Empa haeba batho ba le hlokofaletsa ho loka ha lona, le lehlohonolo. Le se ke la ba tshaba, mme le se ke la ferekana,

1 Petrose 4:15

Ho se be teng hara lona ya hlokofatswang kahobane e le mmolai, kapa leshodu, kapa sesenyi, kapa ya itshunyakang ditabeng tsa ba bang.

1 Petrose 4:19

Ha ho le jwalo he, ba hlokofatswang ho ya ka thato ya Modimo ba ipee paballong ya Mmopi ya tshepahalang, ka ho etsa tse ntle.