1 Petrose 3:11 - BIBELE

¹¹ A furalle bobe, a etse botle, a batle kgotso, a e pheelle,

Sesotho 1909/1961 (SO)

¹¹ a kgelohe bobe, mme a etse ho molemo, a batle kgotso, a e phehelle.

Baasraak Sotho NT

¹¹ A a furalle bobe, a etse botle; a batle kgotso, mme a e phehelle.

Contemporary Southern Sotho Bible 2024

¹¹ A a furalle bobe, a etse botle; a batle kgotso, mme a e phehelle.

1 Petrose 3:11 ပူးပေါင်းရင်းမြစ်များ

Jobo 1:1

Ho ne ho ena le monna e mong naheng ya Use, lebitso la hae e le Jobo. Monna eo o ne a lokile, a hloka kodi; a tshaba Modimo, a kgesa bobe.

Jobo 2:3

Jwale Morena a re ho Satane: “Na o kile wa bona Jobo, mohlanka wa ka? Ha ho ya kang yena lefatsheng! Ke monna ya lokileng, ya hlokang kodi, ya tshabang Modimo, ya kgesang bobe. Le hoja o ile wa nkgothaletsa hore ke mo senyetse ntle ho lebaka, o ntse a tshepahala haholo.”

Jobo 28:28

“Yaba o re ho motho: ‘Ho tshaba Morena ke bona bohlale; ho furalla bokgopo ke yona kutlwisiso.’ ”

Dipesaleme 125:4

Morena, ako etse tse molemo, o di etsetse ba lokileng, le ba pelo di ntle.

Dipesaleme 34:14

Tshwara leleme la hao le se bue tse mpe, le molomo wa hao o se bue leshano.

Dipesaleme 37:27

Furalla bobe, o etse botle, o tle o be le leaho kamehla.

Diproverbia 16:17

Tsela ya ba lokileng e kgeloha bobe, ya e hlokomelang o baballa bophelo ba hae.

Diproverbia 16:6

Sebe se hlakolwa ke lerato le botshepehi; ya tshabang Morena bobe o tla bo phema.

Diproverbia 3:7

O se ipone o le bohlale, tshaba Morena, o sesefe bobe.

Mattheu 5:45

hore le be bana ba Ntata lona ya mahodimong, hobane o tjhabisetsa ba kgopo le ba molemo letsatsi la hae, mme o nesetsa ba lokileng le ba sa lokang pula.

Mattheu 5:9

Ho lehlohonolo ba bopang kgotso, hobane ba tla bitswa bana ba Modimo.

Mattheu 6:13

o re phemise ho kena molekong, o mpe o re lopolle bobeng, hobane Mmuso ke wa hao, le matla, le tlotla, kamehla le mehla. Amen.’

Mareka 14:7

Mafutsana le na le wona kamehla, mme le ka a etsetsa molemo neng le neng ha le rata; athe nna le ke ke la ba le nna kamehla.

Luka 1:79

ho bonesetsa ba dutseng lefifing le moriting wa lefu, le ho re tsamaisa tseleng ya kgotso.”

Luka 6:35

Empa ratang dira tsa lona, le di etse hantle, le adimane le sa lebelle ho buseletswa letho. Moputso wa lona o tla ba moholo, mme le tla ba bana ba Ya Hodimodimo, hobane yena o molemo ho ba hlokang teboho le ho ba kgopo.

Luka 6:9

Yaba Jesu o re ho bona: “Ke a le botsa hore na ho a dumellwa ho etsa hantle kapa ho etsa hampe, ho pholosa bophelo kapa ho bo timetsa ka Sabatha?”

Johanne 17:15

Ha ke rapele hore o ba tlose lefatsheng, empa e le hore o ba sireletse ho E Mobe.

Baroma 12:18

Ha ho ka etsahala, bolokang kgotso le batho bohle, ho ya kamoo le ka kgonang kateng.

Baroma 14:17

Mmuso wa Modimo hase taba ya dijo le dino, empa ke taba ya ho loka, ya ho ba le kgotso, le ya ho thabiswa ke Moya o Halalelang.

Baroma 14:19

Jwale a re habeng tsa kgotso le tsa ho matlafatsana.

Baroma 5:1

Jwale, erekaha re lokafaditswe ka tumelo, re na le kgotso le Modimo ka Morena wa rona Jesu Kreste.

Baroma 7:19

Tse lokileng tseo ke ratang ho di etsa ha ke di etse, empa ke etsa tse mpe tseo ke sa di rateng.

Baroma 7:21

Jwale ke fumana ho le tjena: Ha ke rata ho etsa tse ntle, ke etsa tse mpe.

Baroma 8:6

mme ho thahasella tsa botho ho tlisa lefu, empa ho thahasella tsa Moya ho tlisa bophelo le kgotso.

Bagalata 5:22

Empa se bewang ke Moya ke lerato, thabo, kgotso, mamello, mosa, molemo, botshepehi,

Bagalata 6:10

Jwale he, ha re sa ntse re ena le sebaka, a re etsetseng bohle molemo, haholoholo ba lelapa la bodumedi.

BaKolose 3:15

Kgotso ya Kreste e ke e buse dipelo tsa lona. Ke ka kgotso ena Modimo a le bitseditseng ho ba mmele o le mong. Lebohang ke hona.

1 Timothea 6:18

Ba etse tse lokileng, ba rue mesebetsi e metle, ba fane ka matsoho a mabedi, ba arolelane le ba bang.

BaHebheru 12:14

Pheellang ho phela le bohle ka kgotso le ka kgalalelo, hobane ntle ho yona ha ho ya tla bona Morena.

BaHebheru 13:16

Se lebaleng ho ba mosa le ho thusana, hobane ana ke wona mahlabelo a kgahlisang Modimo.

Jakobo 4:17

Ka baka leo, ya tsebang ho etsa ho hotle, empa a sa ho etse, o etsa sebe.

1 Petrose 3:12

hobane mahlo a Morena a tadima ba lokileng, le ditsebe tsa hae di mamela thapelo tsa bona; sefahleho sa hae se sosobane se sosobanetse ba etsang bobe.”

3 Johanne 1:11

Motswalle, o se ke wa latela mehlala e mebe, o mpe o latele e metle. Ya etsang tse ntle ke wa Modimo; ya etsang tse mpe ha a eso ka a tseba Modimo.

Baahlodi 11:14

Jafeta a boela a roma maqosa ao ho kgosi ya Baamone,