1 Marena 12:18 - BIBELE

¹⁸ Jwale kgosi Rehoboame a roma Adorame, eo e neng e le mookamedi wa makgoba, hore a ye ho Baiseraele, empa Baiseraele bohle ba mo tlepetsa ka majwe, a ba a shwa. Ka baka lena, kgosi Rehoboame a palama kariki ya hae ya ntwa ka potlako, a balehela Jerusalema.

Sesotho 1909/1961 (SO)

¹⁸ Jwale morena Roboame a roma Adorame, molaodi wa ba hlwailweng; empa Baiseraele bohle ba mo tlepetsa ka majwe, a shwa. Yaba morena Roboame o itlhahanela, a kena koloing ya hae, a balehela Jerusalema.

1 Marena 12:18 ပူးပေါင်းရင်းမြစ်များ

2 Samuele 20:24

Adorame yena ya eba molaodi wa makgoba. Jehoshafate, mora wa Ahilode, ya eba mongodi wa diketsahalo;

1 Marena 4:6

Ahishare e le mookamedi wa lelapa la kgosi; Adonirame, mora wa Abada, yena e le mookamedi wa makgoba.

1 Marena 5:14

Ka kgwedi a romela makgoba a dikete tse leshome Lebanone. A ne a ye a qete kgwedi Lebanone, tse pedi a di qete a le hae. Adonirame e ne e le yena mookamedi wa makgoba ana.

2 Dikronike 10:18

Jwale kgosi Rehoboame a roma Hadorame, eo e neng e le mookamedi wa makgoba, hore a ye ho bana ba Iseraele, empa bona ba mo tlepetsa ka majwe, a ba a shwa. Ka baka leo, kgosi Rehoboame a palama kariki ya hae ya ntwa ka potlako, a balehela Jerusalema.

2 Dikronike 24:21

Ka taelo ya kgosi ba mo rera, ba mmolaya, ba mo tlepetsa ka majwe a le lebaleng la Tempele ya Morena.

Eksoda 17:4

Moshe a ipiletsa ho Morena, a re: “Setjhaba see ke tla se etsa jwang? Ho se ho se hokae se ntlepetsa ka majwe!”

Amose 2:16

Le bahale ba bahale ba tla baleha, ba balehe ba le poosho mohla tsatsi leo,” ho rialo Morena.

Numere 14:10

Yare ha setjhaba sohle se re se ba tlepetsa ka majwe, tlotla ya Morena ya iponahatsa ka Tenteng ya Morena ho bana ba Iseraele bohle.

Diketso 5:26

Yaba molaodi o ya le bahlanka, mme ba ba tlisa, feela e se ka dikgoka, hobane ba ne ba tshaba setjhaba, esere sa ba tlepetsa ka majwe.