1 Dikronike 23:14 - BIBELE

¹⁴ Bara ba Moshe, mohlanka wa Modimo, bona ba ile ba balellwa le ba morabe wa Levi.

Sesotho 1909/1961 (SO)

¹⁴ Haele ka Moshe, monna wa Modimo, bara ba hae ba balwa le bara ba Levi.

1 Dikronike 23:14 ပူးပေါင်းရင်းမြစ်များ

1 Dikronike 23:15

Bara ba Moshe e ne e le Gereshome, le Eleesere.

2 Dikronike 30:16

Ba ema ditulong tsa bona ho ya ka tlwaelo ya bona, ho latela Molao wa Moshe, mohlanka wa Modimo. Baprista ba foka ka madi ao ba a neilweng ke Balevi.

Esdrase 3:2

Jwale Jeshua, mora wa Josadake, a ema, a ena le bana babo, e leng baprista, le Serubabele, mora wa Shealetiele, le yena a ena le bana babo. Bana bohle ba haha aletare ya Modimo wa Iseraele, hore ba tle ba nyehelle dinyehelo tsa setjheso hodima yona, jwalokaha ho ngotswe Molaong wa Moshe, moporofeta wa Modimo.

Dipesaleme 90:1

Thapelo ya Moshe, mohlanka wa Modimo. Morena, o bile setshabelo sa rona melokong yohle.

Deuteronoma 33:1

Ena ke tlhohonolofatso eo Moshe mohlanka wa Modimo, a ileng a hlohonolofatsa bana ba Iseraele ka yona, pele a eshwa.

Joshua 14:6

Bana ba Juda ba ya ho Joshua ha a le Gilegale, mme Kalebe, mora wa Jefune wa Mokenase, a re ho yena: “O tseba seo Morena a neng a se bue ho Moshe, mohlanka wa Modimo, malebana le nna, le malebana le wena, ha re le Kadeshe-Barenea.