1 Dikronike 13:11 - BIBELE

¹¹ Davida a tshwenyeha haholo, hobane Morena o ne a bolaile Usa; ka baka leo, yaba sebaka seo se rewa lebitso la Kotlo ya Usa, mme le kajeno-ya-bokajeno se ntse se bitswa jwalo.

Sesotho 1909/1961 (SO)

¹¹ Davida a swaba ke hobane Jehova a entse sekgeo Iseraeleng ka Ussa, mme a rea nqalo ya teng Perets-Ussa (sekgeo sa Ussa); le kajeno ke la teng.

1 Dikronike 13:11 ပူးပေါင်းရင်းမြစ်များ

Genese 32:32

Ka baka lena, le kajenoya-bokajeno Baiseraele ha ba je mosifa wa noka, o lenonyeletsong la noka, kaha Jakobo a ne a nonyetswe mosifeng oo wa noka.

2 Samuele 6:7

Bohale ba Morena ba tlokomela Usa, mme Modimo a mmolaya ka baka la ho ama areka. A shwela hona moo pela areka ya Modimo.

2 Samuele 6:9

Ka lona letsatsi leo Davida a tshaba Morena, mme a re: “Ekaba areka ya Morena e tla ya jwang ha ka?”

1 Dikronike 13:10

Bohale ba Modimo ba tlokomela Usa, mme Morena a mmolaya, hobane o ne a ile a ama areka. A shwela hona moo, kapele ho Modimo.

1 Dikronike 13:12

Ka lona letsatsi leo, Davida a tshaba Modimo, mme a re: “Ekaba areka ya Modimo ke tla e isa jwang ha ka?”

1 Dikronike 15:13

Kahobane ha e a ka ya tliswa ke lona ka lekgetlo la pele, Morena Modimo wa Iseraele, o ile a re halefela, hobane re ne re sa ka ra mo hlompha ka mokgwa o tshwanetseng.”

Eksoda 19:22

Baprista bohle ba tla atamela pela Morena ba ke ba itlhwekise, esere a ba otla.”

Jonase 4:4

Empa Morena a mo araba, a re: “Na o etsa hantle ha o halefa?”

Jonase 4:9

Empa Modimo a botsa Jonase, a re: “Na ke hantle ha o kgenne ka baka la sefate see?” Jonase a mo araba, a re: “E, ke hantle, ebile ke kgenne hoo nka nnang ka shwa.”

Deuteronoma 34:6

Morena a mo epela ka kgohlong, naheng ya Moabe, malebane le Bete-Peore. Empa ho fihlela le kajeno-ya-bokajeno ha ho motho ya tsebang lebitla la Moshe.

Joshua 4:9

Joshua a hloma majwe a leshome le metso e mmedi bohareng ba Jorodane, sebakeng seo maoto a baprista ba neng ba jere areka ya selekane a neng a eme teng, mme le kajeno-ya-bokajeno a ntse a le hona moo.