1 BaThesalonika 4:9 - BIBELE

⁹ Ha e le ka lerato la boena, ha le hloke hore le ngollwe ka lona, hobane ka bolona le rutilwe ke Modimo ho ratana;

Sesotho 1909/1961 (SO)

⁹ Haele lerato la boena, hase taba eo ke tshwanetseng ho le ngolla yona, kahobane le lona le rutwa ke Modimo ho ratana.

Baasraak Sotho NT

⁹ Empa malebana le lerato la boena ha le hloke hore ke le ngolle, hobane le lona ka bolona le rutilwe ke Modimo ho ratana.

Contemporary Southern Sotho Bible 2024

⁹ Empa malebana le lerato la boena ha le hloke hore ke le ngolle, hobane le lona ka bolona le rutilwe ke Modimo ho ratana.

1 BaThesalonika 4:9 ပူးပေါင်းရင်းမြစ်များ

Dipesaleme 133:1

Pesalema ya Davida. Sefela sa ho nyolohela Jerusalema. Bonang, ho hotle, ho monate hakaakang, ha bana ba motho ba phedisana ka kgotso!

Isaia 51:13

O leballang Morena, e leng Mmopi wa hao, yena ya ileng a ala mahodimo, a ba a rala metheo ya lefatshe? O phelelang ka tshabo, ka matsatsi wohle, ka baka la kgalefo ya mohatelli ya rerileng ho o timetsa? E kae kgalefo ya mohatelli eo?

Jeremia 31:33

“Selekane seo ke tla se etsa le ba ntlo ya Iseraele, hoba matsatsi ao a fete, ke sena,” ho rialo Morena. “Ke tla kenya molao wa ka maikutlong a bona, ke o ngole kahara dipelo tsa bona; ke be Modimo wa bona, bona e be setjhaba sa ka.

Jeremia 31:34

Motho ha a sa tla hlola a ruta ya ahisaneng le yena, leha e le ngwanabo, a re: ‘Tseba Morena,’ hobane ba tla ntseba bohle, ho tloha ho ya eisehang ho isa ho ya hlomphehang,” ho rialo Morena. “Ke tla ba tshwarela makgopo a bona, ha ke sa tla hlola ke hopola dibe tsa bona.”

Levitike 19:8

Mang kapa mang ya se jang, o tla jara bokgopo ba hae, hobane o tla be a silafaditse ntho e halalelang ya Morena. Motho eo o tla kgaolwa setjhabeng sa habo.

Mattheu 22:39

Ya bobedi e tshwanang le yona e re: ‘Rata wa heno jwalokaha o ithata.’

Johanne 14:26

empa Mothusi, Moya o Halalelang oo Ntate a tla o romela lebitsong la ka, yena o tla le ruta tsohle, a le hopotse tsohle tseo ke le boleletseng tsona.

Diketso 4:32

Jwale bongata ba ba dumetseng ba eba pelonngwe le moyamong, mme ha se ke ha eba le ya mong ya reng tseo a nang le tsona ke tsa hae a le inotshi, empa tsohle ba di kopanela.

Baroma 12:10

Ratanang jwaloka bana ba motho, le hlodisane ha le hlomphana.

2 Bakorinthe 9:1

Tabeng ya dithuso tse etsetswang badumedi, ha ho hlokahale hore ke le ngolle letho.

BaFilipi 3:15

Jwale rona ba seng ba phethehile, a re inahaneng jwalo, mme haeba ho ena le moo le sa nahaneng ka ho tshwana, Modimo o tla le senolela.

1 BaThesalonika 5:1

Bana beso, ha e le dinako le metsotso ha le hloke hore le ngollwe ka tsona.

BaHebheru 10:16

“Selekane seo ke tla se etsa le bona ha matsatsi ao a fetile, ho rialo Morena, ke sena: Ke tla kenya molao wa ka maikutlong a bona, kahara dipelo tsa bona.”

BaHebheru 13:1

Le nne le ratane jwalokaha bana ba motho ba ratana.

1 Petrose 3:8

Ke qetella ka ho re lona bohle le be pelonngwe, le utlwelane bohloko, le ratane jwaloka bana ba motho, le be mosa, le ikokobetse.

1 Petrose 4:8

Ho feta tsohle le ratane ka lerato le mofuthu, hobane lerato le tlosa dibe tse ngata.

2 Petrose 1:7

borapeding le eketse setswalle sa boena, mme setswalleng sa boena le eketse lerato.

1 Johanne 2:10

Ya ratang ngwanabo o phela leseding, mme ha ho letho ka ho yena le ka mo dihelang sebeng.

1 Johanne 3:11

Molaetsa oo le o utlwileng ho tloha tshimolohong o re re rataneng.

1 Johanne 3:23

Taelo ya hae ke ena: Re dumele lebitsong la Mora wa hae Jesu Kreste, mme re ratane jwalokaha a re laetse.

1 Johanne 4:21

Taelo eo Kreste a re neileng yona ke ena: Ya ratang Modimo, eka kgona a rate le ngwanabo.