1 Bakorinthe 16:15 - BIBELE

¹⁵ Jwale ke sa na le kopo, bana beso. Le a tseba hore lelapa la Setefanase ke letsibolo bodumeding naheng ya Akaya, mme le ikabetse ho sebeletsa badumedi.

Sesotho 1909/1961 (SO)

¹⁵ Ke sa le rapela hle, banabeso! Le tseba ba ntlo ya Setefanase, hobane ke bona bao e leng matsibolo a Akaea, le hoba ba ineetse tshebeletso ya bahalaledi.

Baasraak Sotho NT

¹⁵ Bana beso, ke a le rapela: Le a tseba ba ntlo ya Setefanase hore ke dithakangwaha tsa Akaya, le hoba ba ikahetse tshebeletso ya bahalaledi;

Contemporary Southern Sotho Bible 2024

¹⁵ Bana beso, ke a le rapela: Le a tseba ba ntlo ya Setefanase hore ke dithakangwaha tsa Akaya, le hoba ba ikahetse tshebeletso ya bahalaledi;

1 Bakorinthe 16:15 ပူးပေါင်းရင်းမြစ်များ

Diketso 18:12

Ha Galeo e le mmusisi wa Akaya, Bajuda ba tsohela Paulosi matla ka maikutlo a le mang, mme ba mo isa kgotla,

Baroma 12:13

Kenyang letsoho thusong ya badumedi ba hlokang, thabelang ho amohela baeti.

Baroma 15:25

Hona jwale ke sa ya Jerusalema ho ya sebeletsa badumedi ba teng,

Baroma 15:31

hore ke tle ke sireletswe ho ba sa dumeleng, ba Judea, mme dithuso tseo ke di isang Jerusalema di tle di amohelehe ho badumedi.

Baroma 16:2

Le mo amohele ka mokgwa o lokelang badumedi, hobane ke wa Morena. Le mo thuse tabeng efe le efe eo a ka hlokang thuso ya lona ho yona, hobane le yena o thusitse ba bangata, esita le nna ka sebele.

Baroma 16:5

Dumedisang le kereke e phuthehelang ha bona. Dumedisang motswalle wa ka Epainetose, eo e bileng wa pele naheng ya Asia ho ineela ho Kreste.

1 Bakorinthe 1:16

Hape ke bile ke kolobeditse ba lelapa la Setefanase. Ntle ho bona, ha ke hopole hore nkile ka kolobetsa e mong.

1 Bakorinthe 16:1

Tabeng ya koleke e etsetswang badumedi, le lona le etse jwalokaha ke laetse dikereke tsa Galatia.

1 Bakorinthe 16:17

Ke thabetse ho fihla ha Setefanase, le Foretunatose, le Akaikuse, hobane ke bona ba nthusitseng bosiyong ba lona.

2 Bakorinthe 8:4

Di re qopheletse hore di dumellwe ho kenya letsoho thusong ya badumedi.

2 Bakorinthe 9:1

Tabeng ya dithuso tse etsetswang badumedi, ha ho hlokahale hore ke le ngolle letho.

1 Timothea 5:10

Hape e be ya pakwang ke mesebetsi ya hae e metle, e kang ho hodisa bana hantle, ho amohela baeti, ho hlatswa badumedi maoto, ho thusa ba tsietsing, esita le ho nna a etsa mesebetsi yohle e molemo.

Filemone 1:7

Ngwaneso, lerato la hao le nthabisitse, le ntshedisitse haholo, hobane ke ka wena dipelo tsa badumedi di kgatholohileng.

BaHebheru 6:10

Modimo ha a hloke toka hoo a ka lebalang mosebetsi wa lona, le lerato leo le le bontshitseng ho yena ka ho sebeletsa badumedi, bao le sa ntseng le ba sebeletsa le jwale.

1 Petrose 4:10

Ka ho ya ka neo eo a e filweng ke Modimo, motho ka mong a ke a sebeletse ba bang jwaloka moabi ya kgabane wa mohau wa Modimo, o iponahatsang ka mekgwa e mengata.

Tshenolo 14:4

Bana ke bao esaleng ba hlwekile, ba sa kang ba itshilafatsa ka basadi; ke ba latelang Konyana hohle moo e yang teng. Bana ba lopolotswe hara batho, ho ba nyehelo ya pele ho Modimo le ho Konyana.