Sefela sa Salomone 7:1 - Sesotho 1909/1961 (SO)

¹ Moradi wa morena, maoto a hao a matle hakakang dirwalong tsa wona! Dithopola tsa dinoka tsa hao di jwaloka mekgabo e sebeditsweng ke moetsi wa sebele;

BIBELE

¹ Maoto a hao a tshwanelwa ke meqathatso, a tshwanelwa ke yona hakaakang, wena kgosatsana, moradi wa kgosi! Thopola tsa hao di ka mabenyane, mabenyane a entsweng ke setsebi sa mekgabiso.

Sefela sa Salomone 7:1 ပူးပေါင်းရင်းမြစ်များ

Genese 32:3

Jakobo a eteletsa manqosa pele, a yang ho Esau, moholwane wa hae, naheng ya Seire, lefatsheng la Edomo;

Dipesaleme 45:13

Kahare ho ntlo, moradi wa morena o dutse bokgabaneng feela; seaparo sa hae ke lesela le homilweng ka kgauta.

Eksoda 28:15

O tla etsa mokgajwana wa kahlolo ka mokgwa wa mosebetsi o etswang ka masene; o o etse ka mokgwa o le mong le efoda; o o etse ka kgauta, le purepera, le sekarelata, le krimsone, le lene e ntle e lohilweng.

Eksoda 28:42

O ba etsetse le marikgwana a lene ho apesa bofeela ba bona; a tla tloha lethekeng, a fihle diropeng.

Eksoda 35:35

O ba tlatsitse ka bohlale, hore ba tle ba sebetse mesebetsi yohle e sebetswang ke dibetli, le diqapi, le dihomi tsa purepera le sekarelata le krimsone le lene e ntle, le dilohi, hore ho etswe mesebetsi yohle e ka sebetswang le e ka qapuwang.

Sefela sa Salomone 7:2

theka la hao ke mohope o holokaneng, o tletseng veine e tswakilweng; sefuba sa hao se jwaloka setha sa mabele se dikilweng ke mehaladitwe.

Daniele 2:32

Hlooho ya setshwantsho seo e ne e le ya kgauta e tshekehileng, sefuba le matsoho a sona e le a silefera, mpa le matheka a sona e le a koporo, meomo e le ya tshepe,

Luka 15:22

Empa ntatae a re ho bahlanka ba hae: Phakisang, le tlise seaparo se selelele sa bohlokwa, le mo apese sona; le mo kenye lesale monwaneng, le be le mo rwese dieta maotong;

2 Bakorinthe 6:18

mme ke tla ba ntata lona, lona le be bara ba ka le baradi ba ka, ho thualo ke Morena ya matla wohle.

Baefese 6:15

Maotong a lona, le rwale mafolofolo a Evangeli ya kgotso.

BaFilipi 1:27

Feela, le itsamaeleng ka mokgwa o tshwanelang Evangeli ya Kreste; hore leha, nka tla, ka le bona, leha nka ba siyo, ke nne ke utlwe taba tsa lona tsa hore le ntse le eme moyeng o le mong le pelong e le nngwe, le ntse le lwanela hammoho tumelo ya Evangeli,

BaKolose 2:19

a sa itshwarelle ka hlooho, eo mmele wohle, ha o ntse o fepjwa, mme o teanngwa hammoho ka dikopano tsa manonyello, o holang ka kgolo ya Modimo.