Levitike 8:4 - Sesotho 1909/1961 (SO)

⁴ Moshe a etsa kamoo Jehova a mo laetseng kateng, mme phutheho yohle ya phuthehela monyako wa tente ya pokano.

BIBELE

⁴ Moshe a etsa jwalokaha Morena a mo laetse. Ha phutheho yohle e se e bokane monyakong wa Tente ya Morena,

Levitike 8:4 ပူးပေါင်းရင်းမြစ်များ

Eksoda 39:1

Ka purepera, le sekarelata, le krimsone, ha etswa diaparo tsa tshebetso e phethwang sehalalelong; ha etswa diaparo tse kgethehileng tsa Aarone, jwalokaha Jehova a ne a laetse Moshe.

Eksoda 39:21

Mokgajwana wa hokelwa ka mehwele ya wona mehweleng ya efoda ka kgole ya purepera, o tle o eme hodima senyepa sa efoda, le hore makgajwana o se ke wa sutha efodeng, jwalokaha Jehova a ne a laetse Moshe.

Eksoda 39:26

ha bewa kolokonyana le garanata, hape kolokonyana le garanata, melekeng ya kobo ka nqa tsohle, tsa ho etsa tshebetso, jwalokaha Jehova a ne a laetse Moshe.

Eksoda 39:29

le senyepa sa lene e ntle e lohilweng le purepera, le sekarelata, le krimsone, ka mokgwa wa mesebetsi e homilweng, jwalokaha Jehova a ne a laetse Moshe.

Eksoda 39:5

Haele senyepa sa ho e tlama, se hodima efoda, se ne se etswa ho yona, e le mosebetsi o le mong le yona, e le sa kgauta, le purepera, le sekarelata, le krimsone, le lene e ntle e lohilweng, jwalokaha Jehova a ne a laetse Moshe.

Eksoda 39:7

a bewa mabanteng a efoda, e le mahakwe a kgopotso ho bana ba Iseraele; jwalokaha Jehova a ne a laetse Moshe.

Levitike 8:13

Moshe a atametsa le bara ba Aarone; le bona a ba apesa dikojwana, a ba tlama ka dinyepa, mme a ba hokella dikatiba, kamoo Jehova a neng a laetse Moshe kateng.

Levitike 8:17

A ntoo tjhesa kantle ho diahelo pohwana, le letlalo la yona, le nama ya yona le moswang wa yona jwalokaha Jehova a ne a laetse Moshe.

Levitike 8:29

Moshe a nka pheleung ya peo sefuba, a se tsokotsa pela Jehova; ya eba kabelo ya Moshe, kamoo Jehova a neng a laetse Moshe kateng.

Levitike 8:3

le dipheleu tse pedi, le seroto sa mahobe a se nang ditomoso, mme o biletse monyako wa tente ya pokano phutheho kaofela.

Levitike 8:35

Le tla hlola le dutse motshehare le bosiu ka matsatsi a supileng, monyako wa tente ya pokano, mme le tla etsa seo Jehova a le laetseng sona, hore le se etse, hore le se tlo shwa; hobane ke laetswe jwalo.

Levitike 8:5

Yaba Moshe o re ho phutheho: Ke sena seo Jehova a laetseng ho se etsa.

Levitike 8:9

A mo rwesa moqhwele hloohong, mme moqhweleng, kapele ho wona, a hloma diadema ya kgauta, e leng lebenyane le kgethehileng, jwalokaha Jehova a ne a laetse Moshe.

Mattheu 28:20

mme le ba rute ho boloka tsohle tseo ke le laetseng tsona. Mme bonang, nna, ke na le lona kamehla yohle, ho isa bofelong ba lefatshe.

1 Bakorinthe 11:23

Hobane nna ke amohetse ho Morena seo ke le neileng sona, ke hoba Morena Jesu, ka bosiu boo a ekilweng ka bona, o ne a nke bohobe;

1 Bakorinthe 15:3

Hobane pele ho ntho tsohle, ke le neile seo le nna ke se amohetseng, ke ho re, Kreste o shwele ka baka la dibe tsa rona, kamoo Mangolo a bolelang kateng;

Deuteronoma 12:32

Iponeleng, le etse tsohle tseo ke le laelang tsona. O se ke wa di eketsa ka letho, mme o se ke wa tlosa letho ho tsona.