Levitike 25:13 - Sesotho 1909/1961 (SO)

¹³ Ka selemo seo sa Jubile, e mong le e mong o tla kgutlela lefeng la hae.

BIBELE

¹³ “ ‘Selemong seo sa mokete wa tokoloho e mong le e mong a boellwe ke lefa la hae.

Levitike 25:13 ပူးပေါင်းရင်းမြစ်များ

Isaia 61:2

ho bolela ngwaha wa mehauhelo ya Jehova, le letsatsi la diphetetso tsa Modimo wa rona; ho tshedisa ba llang kaofela,

Ezekiele 7:13

Hobane morekisi ha a ka ke a boela a rua seo a rekisitseng ka sona, esita le hoja a ka nna a phela le ba phelang, hobane pono e hlollang e hlahileng bakeng sa letshwele lohle la bona e ke ke ya kgutliswa, mme motho ya phelang ka bokgopo a ke ke a tiya.

Levitike 25:10

Le tla halaletsa jwalo selemo sa mashome a mahlano, mme le tla tumisa tokoloho naheng ya lona ho baahi ba yona kaofela; e tla ba Jubile ho lona. E mong le e mong wa lona o tla kgutlela lefeng la hae, e mong le e mong a kgutlele mofuteng wa hae.

Levitike 25:12

Hobane ke Jubile; e tla kgetheha ho lona; mme le tla ja dijo tse masimong.

Levitike 25:28

Empa ha a sitwa ho phetha seo a ka se busetsang ho yena, seo a se rekisitseng se tla dula matsohong a ya se rekileng, ho isa selemong sa Jubile, e be hona eo a tswang, le yane a kgutlelang lefeng la hae.

Levitike 25:54

Ekare ha a sa rekollwe ka mokgwa oo, o tla tswa ka selemo sa Jubile, yena le bana ba hae.

Numere 36:4

Etlare ha Jubile e hlahela bana ba Iseraele, lefa la bona le tla ekeletswa ho la leloko leo ba nyetsweng ho lona, mme jwale lefa la bona le tla kgaolwa lefeng le leloko la bontata rona.