Levitike 25:10 - Sesotho 1909/1961 (SO)

¹⁰ Le tla halaletsa jwalo selemo sa mashome a mahlano, mme le tla tumisa tokoloho naheng ya lona ho baahi ba yona kaofela; e tla ba Jubile ho lona. E mong le e mong wa lona o tla kgutlela lefeng la hae, e mong le e mong a kgutlele mofuteng wa hae.

BIBELE

¹⁰ Le tla halaletsa selemo sa mashome a mahlano, mme le phatlalatse hara naha yohle hore baahi bohle ba yona ba lokolohile. Selemo seo e tla ba sa lona sa mokete wa tokoloho. Motho e mong le e mong a boellwe ke lefa la hae, e mong le e mong a kgutlele ho ba habo.

Levitike 25:10 ပူးပေါင်းရင်းမြစ်များ

Esdrase 1:3

Hara lona mang le mang eo e leng motho wa setjhaba sa hae, Modimo wa hae o ke o be le yena, mme a nyolohele Jerusalema naheng ya Juda, mme a hahe ntlo ya Jehova, Modimo wa Iseraele; ke wona Modimo o leng Jerusalema.

Dipesaleme 146:7

O ahlolela ba tujwang, o fa ya lapileng bohobe. Jehova o lokolla batshwaruwa;

Eksoda 20:2

Ke nna Jehova, Modimo wa hao, o o ntshitseng lefatsheng la Egepeta, tlung ya bohlanka.

Isaia 49:9

o tle o re ho ba kgolehong: Tswang! le ho ba dutseng lefifing: Hlahang! Ba tla fumana dijo tseleng, le makgulo maralleng wohle.

Isaia 63:4

Hobane letsatsi la tefetso le teng pelong ya ka, ngwaha wa balopollwa ba ka o se o tlile.

Jeremia 34:10

Mme ha dumela baholo kaofela le setjhaba kaofela ho kena selekaneng sa ho lesela e mong le e mong mofo wa hae, e mong le e mong lekgabunyane la hae, hore ba ikele, ho se be ya ka hlolang a ba rua; ba dumela teng, ba ba lesela.

Jeremia 34:8

Lentswe le tswang ho Jehova la tla ho Jeremia, ha morena Tsedekia a ne a se a entse selekane le setjhaba kaofela se leng Jerusalema, hore ba bolele tokollo;

Ezekiele 46:17

Empa ha a etsa neo ka ntho e nngwe ya lefa la hae ho e mong wa bafo ba hae, e tla ba ya hae mofo ho isa selemong sa tokoloho, e ntoo kgutlela ho morena. Lefa la hae ke la bara ba hae ba nnotshi.

Levitike 25:11

Selemo seo sa mashome a mahlano e tla ba Jubile ho lona; le se ke la jala, le se ke la kotula matshwabodi a sona, le se ke la kga merara e sa kang ya hlaolwa.

Levitike 25:13

Ka selemo seo sa Jubile, e mong le e mong o tla kgutlela lefeng la hae.

Levitike 25:41

O tla tswa ho wena, yena le bana ba hae, mme o tla kgutlela mofuteng wa hae, le lefeng la bontatae.

Levitike 25:54

Ekare ha a sa rekollwe ka mokgwa oo, o tla tswa ka selemo sa Jubile, yena le bana ba hae.

Luka 1:74

ya hore, ha re lwetswe matsohong a bao e leng dira ho rona, re mo sebeletse, re sa tshabe letho,

2 Bakorinthe 3:17

Mme Morena ke Moya; mme moo Moya wa Morena o leng teng, tokoloho e teng.

Bagalata 4:25

hobane Agare ke Sinai, thaba ya Arabia — mme o tshwantsha le Jerusalema wa jwale; mme ke ya tlamilweng, le bana ba hae.

Bagalata 5:13

Haele lona, banabeso, le bileditswe ho lokoloha, empa feela le se ke la etsa tokoloho eo sebaka sa ho phela ka nama, le mpe le sebeletsane ka baka la lerato.

1 Petrose 2:16

Etsang ka mokgwa o tshwanelang balokolohi, e seng ka ho etsa bolokolohi ba lona tshireletso ya bobe, le mpe le ipee bahlanka ba Modimo.