Levitike 19:26 - Sesotho 1909/1961 (SO)

²⁶ Le se ke la jellela letho le madi. Le se ke la upella, mme le se ke la noha.

BIBELE

²⁶ “ ‘Le se ke la ja letho le nang le madi. Le se ke la sebedisa ditaola kapa bonohe.

Levitike 19:26 ပူးပေါင်းရင်းမြစ်များ

Genese 44:5

Na ha le na senwelo seo morena ka a nwang ho sona, le ho noha a bileng a noha ka sona? Le sitilwe ha le entse jwalo!

Genese 9:4

Empa le se ke la ja nama e nang le bophelo ba yona, ke ho re, madi a yona.

2 Marena 17:17

Ba tjhesa bara le baradi ba bona mollong, ba loya ka boloi, ba noha, ba ineela ho etsa ho leng hobe mahlong a Jehova, hore ba mo halefise.

2 Marena 21:6

A tjhesa le mora hae, a noha, a etsa bolao, a bea baloi le dinohe, a etsa bobe bo bongata mahlong a Jehova, ho mo halefisa.

2 Dikronike 33:6

A tjhesa le bara ba hae ka mollo kgohlong ya bana ba Hinnome, mme a etsa bonohe, le bolao, le boloi, a bea ba bitsang bafu, le dinohe; a nna a etsa tsohle tse mpe mahlong a Jehova, ho mo halefisa ka tsona.

Eksoda 7:11

Yaba Faro o bitsa dingaka le baupelli, mme le bona, ka ha e ne e le bahlalefi ba Egepeta, ba etsa jwaloka boupelli ba bona.

Eksoda 8:7

Dingaka le tsona tsa etsa jwalo ka boupelli ba tsona, tsa nyolla dihohwana naheng ya Egepeta.

Jeremia 10:2

Ho itswe ke Jehova: Le se ke la itemaletsa mekgwa ya ditjhaba, le se ke la tshoswa ke dipontsho tsa lehodimo, kahobane ditjhaba di tshoswa ke tsona.

Daniele 2:10

Bakalde ba araba morena, ba re: Ha ho motho lefatsheng ya ka tsebang ho hlahisa se kopuwang ke morena, le hona ha ho morena leha e le e moholo, ya matla, ya kileng a batla ntho e jwalo ho mo bohlale, leha e le ho senohe, kapa ho Mokalde le ka mohla o le mong.

Levitike 19:25

Ka selemo sa bohlano le tla itjella ditholwana tsa tsona, mme ya be esale le ikgella tsona. Ke nna Jehova, Modimo wa lona.

Levitike 3:17

Molao ona e tla ba wa kamehla melokong ya lona, kahohle moo le tla aha teng: Le se ke la ja mafura, leha e le madi.

Levitike 7:26

Le ke ke la ba la ja madi le hanyenyane, meahong ya lona kaofela; leha e le a dinonyana, leha e le a tse maoto a mane.

Malakia 3:5

Ke tla atamela ho lona ho etsa kahlolo, ke be paki e akofang hodima baloi, le bafebi, le ba hlapanyang ka leshano, le ba jang moputso wa ya sebetsang, le ba jang mosadi wa mohlolohadi le kgutsana, le ba hlorisang moditjhaba, ba sa ntshabe, ho bolela Jehova wa makgotla.

Diketso 15:20

ba mpe ba ngollwe hore ba tele ditshila tsa medimo, le bofebe le tse fenethilweng, le madi.

Deuteronoma 12:16

Feela, le ke ke la ja madi; o mpe o a tshollele fatshe jwaloka metsi.

Deuteronoma 12:23

Feela o iponele, o se ke wa ja madi: hobane madi ke moya; ha o na ho ja moya hammoho le nama;

Deuteronoma 15:23

Feela o se ke wa ja madi; o a tshollele fatshe jwaloka metsi.

1 Samuele 14:32

Jwale, setjhaba sa itihela kgapong, sa tshwara dinku le dikgomo le manamane, sa di hlabela fatshe, mme sa di jellela hammoho le madi.

1 Samuele 14:33

Saule a tsebiswa, ha thwe: Bona, setjhaba se sitelwa Jehova ka ho jellela le madi. A re: Le fela le tlotse; mphikolosetseng lejwe le leholo hona jwale.

1 Samuele 15:23

Hobane boikgantsho bo ka sebe sa bonohe, mme bohata bo tshwana le tshebeletso ya ditshwantsho le ya diterafime; erekaha o lahlile taelo ya Jehova, le yena o o lahlile, hore o se ke wa nna wa ba morena.