KOLI-YA-MALLA 1:13 - Sesotho 1909/1961 (SO)

¹³ A le nqalong e phahamileng ya hae, o rometse mollo masapong a ka, o a qetile; a tjhehela maoto a ka leraba, a nkgutlisa kasanthao, a nneela tshenyehong, ke tle ke shwe ka matsatsi wohle.

BIBELE

¹³ Morena o rometse mollo o theoha hodimo, wa nkena masapong, wa tjhatjhametsa; maotong a ka o tjhehile leraba, a etsa hore ke be ke kgutle, ke kgutle ka santhao. O nkentse hore ke sale ke le inotshi, o ntjesa bodutu kamehla yohle.

KOLI-YA-MALLA 1:13 ပူးပေါင်းရင်းမြစ်များ

Jobo 18:8

hobane o hata letlowa ka maoto a hae, o tsamaya hodima mamena;

Jobo 19:6

le utlwisise hoba ke Modimo o mphallelang, o ntiketse sefing sa wona.

Jobo 30:30

Letlalo la ka le ntshofetse, le a foforeha, masapo a ka a tjhesa ke febere.

Dipesaleme 129:5

A ba ke ba hlabiswe dihlong, ba suthe kasanthao, bohle ba hloileng Sione.

Dipesaleme 140:5

Baikakasi ba mpatetse mamena le maraba, ba tjheha difi mosikong wa tsela, ba ntjhehetse mamena. (Sela.)

Dipesaleme 22:14

Ke ikela jwaloka metsi, masapo a ka kaofela a nonyetsehile; pelo ya ka, fubeng sa ka, e a qhibiliha jwaloka mafura a dinotshi;

Dipesaleme 31:10

Hobane bophelo ba ka bo omella ke mahlomola, le dilemo tsa ka ke masisapelo. Matla a ka a robehile ke molato wa ka; masapo a ka a nyebeletse.

Dipesaleme 35:4

Tshwabo le dihlong di ke di apese ba batlang moya wa ka, ba suthe kasanthao ba tsielehile, bona ba rerileng tshenyeho ya ka.

Dipesaleme 38:8

Ke feletswe ke matla, ke robehile hampe, ke dumaela ka baka la ho hlora ha pelo ya ka ...

Dipesaleme 66:11

o nnile wa re tshwasa ka letlowa, wa bea phahlo e boima mathekeng a rona;

Eksoda 12:9

Le se ke la e ja e sa butswa; le se ke la e hladiya ka metsi, e mpe e beswe mollong, hlooho, le maoto, le dikateng tsa yona.

Isaia 42:17

Haele ba tshepang ditshwantsho tse betlilweng, ba reng ho ditshwantsho tse tsholotsweng: Le medimo ya rona, ba tla sutha ka santhao, ba swabe haholo.

Jeremia 44:6

Bohale ba ka le kgalefo ya ka ya ba ya tsholoha, ya tuka metseng ya Juda le diterateng tsa Jerusalema, tse fetohileng lesupi le lefeella, jwalokaha ho bonahala kajeno.

KOLI-YA-MALLA 1:22

Bolotsana kaofela ba bona bo ke bo hlahe pela hao, o ba etse kamoo o nkentseng kateng ka baka la bokwenehi bohle ba ka, hobane ho fehelwa ha ka ho hoholo, mme pelo ya ka e a shwa.

KOLI-YA-MALLA 3:11

O kgelositse ditsela tsa ka; a nkgarola, a nketsa ya makaditsweng.

KOLI-YA-MALLA 5:17

Ka baka leo, dipelo tsa rona di a fela, ka baka la tseo mahlo a rona a fifetse.

Ezekiele 12:13

Ke tla ala letlowa la ka hodima hae, a tshwaswe sefing sa ka, ke tle ke mo ise Babilona, naheng ya Bakalde; empa a ke ke a e bona, mme o tla shwela hona teng.

Ezekiele 17:20

Ke tla mo alla letlowa la ka, a tle a tshwaswe sefing sa ka, mme ke tla mo isa Babilona; teng, ke tla isana nyeweng le yena ka baka la bolotsana boo a nketseditseng bona.

Ezekiele 32:3

Morena Jehova o re: Ke se ke tla ala matlowa a ka hodima hao, phuthehong ya ditjhaba tse ngata, mme di tla o ntsha metsing ke letlowa la ka.

Hosea 7:12

Ba re ba sa ya, ke tla tjheha leraba la ka kahodima bona, ke ba theole jwaloka nonyana e sebakeng, ke ba kgalemele kamoo ke tsebisitseng phutheho ya bona kateng.

Nahume 1:6

Kgalefo ya hae e ka emelwa ke mang, mme ke mang ya ka tiyang ho tukeng ha bohale ba hae? Bohale ba hae bo tsoloha jwaloka mollo, mafika a heletswa ke yena.

Habakuke 3:16

Ke utlwile, mme mmele wa ka o a nyaroha; lentsweng leo, melomo ya ka e a otlana, ho bola ha kena masapong a ka, ke ntse ke thothomela, ha ke tshwanetse ho lebella, ke kgutsitse, letsatsi leo la tlokotsi leo setjhaba se tlang ho futuhelwa ke ya tla tla se lwantsha.

Deuteronoma 28:65

Ha o ka ke wa fumana kgatholoho hara ditjhaba tseo, mme bohato ba leoto la hao bo tla hloka phomolo; hobane hona teng Jehova o tla o nea pelo e thothomelang, le mahlo a bolea, le moya o tepeletseng.

2 BaThesalonika 1:8

ka mollo o tukang, ho iphetetsa ho ba sa tsebeng Modimo, le ho ba sa utlweng Evangeli ya Jesu Kreste, Morena wa rona.

BaHebheru 12:29

hobane Modimo wa rona ke mollo o timeletsang.