Johanne 5:15 - Sesotho 1909/1961 (SO)

¹⁵ Monna eo a ya tsebisa Bajuda hobane ya mo fodisitseng ke Jesu.

BIBELE

¹⁵ Monna eo a tloha, mme a bolella Bajuda hore ke Jesu ya mo fodisitseng.

Baasraak Sotho NT

¹⁵ Monna eo a ikela, a bolella Bajuda hore ke Jesu ya mo fodisitseng.

Contemporary Southern Sotho Bible 2024

¹⁵ Monna eo a ikela, a bolella Bajuda hore ke Jesu ya mo fodisitseng.

Johanne 5:15 ပူးပေါင်းရင်းမြစ်များ

Mareka 1:45

Empa motho eo a tloha, a qala ho bolela taba tse ngata, a hasanya se entsweng, Jesu a ba a sitwa le ho kena metseng pepeneneng, a mpa a itulela kantle, feelleng; mme batho ba ne ba etswa kahohle, ba ya ho yena.

Johanne 1:19

Ke bona bopaki ba Johanne, mohla Bajuda ba romileng baprista le Balevi, ba etswa Jerusalema, ho ya mmotsa, ho re: Wena o mang?

Johanne 4:29

Tloong, le bone motho ya mopleletseng tsohle tseo ke di entseng. Na e ke se be ke yena Kreste?

Johanne 5:10

Athe letsatsi leo ya be e le Sabatha. Yaba Bajuda ba re ho ya fodisitsweng: Ke Sabatha, ha o a lokela ho jara diphate tsa hao.

Johanne 5:12

Ba mmotsa, ba re: Ke mang motho ya itseng ho wena: Nka diphate tsa hao, o tsamaye?

Johanne 5:16

Ka baka leo, Bajuda ba hlorisa Jesu, ba rata ho mmolaya, kahobane a ne a etsa tse jwalo ka Sabatha.

Johanne 5:18

Ka baka leo, Bajuda ba thoothelwa ho mmolaya, ka hore, ha a tlole molao wa Sabatha feela, empa o bile o re, Modimo ke Ntatae ka sebele, mme o iketsa ya lekanang le Modimo.

Johanne 9:15

Jwale, bafarisi le bona ba mmotsa kamoo a kileng a bona kateng. A re ho bona: O mpeile seretse mahlong, mme ka iphotla, ka ba ka bona.

Johanne 9:25

A araba, a re: Ha ekaba ke moetsadibe, teng ha ke tsebe; ke tseba taba e le nngwe, ke hobane ke ne ke foufetse, mme jwale ke a bona.

Johanne 9:30

Motho eo a ba araba, a re: Taba e makatsang ke ena ya hore ha le tsebe moo a tswang teng, athe o ntutuboletse mahlo.

Johanne 9:34

Ba mo araba, ba re: O tswaletswe dibeng kahohle, mme o ka hla wa re ruta na! Yaba ba mo lelekela ntle.