Johanne 19:39 - Sesotho 1909/1961 (SO)

³⁹ Nikodema ya neng a tlile pele ho Jesu bosiu, le yena a tla, a jere mira le alooe tse tswakanntsweng, boima ba tsona bo batlile bo etsa ponto tse lekgolo.

BIBELE

³⁹ Le Nikodema, yena ya neng a tle ho Jesu pele, bosiu, a tla a nkile motswako wa mmira le makgala o ka bang boima ba dikilo tse mashome a mararo.

Baasraak Sotho NT

³⁹ Ha tla le Nikodema, ya tlileng ho Jesu bosiu pele, a tlisa motswako wa myra le makhala, boima ba diponto tse lekgolo.

Contemporary Southern Sotho Bible 2024

³⁹ Ha tla le Nikodema, ya tlileng ho Jesu bosiu pele, a tlisa motswako wa myra le makhala, boima ba diponto tse lekgolo.

Johanne 19:39 ပူးပေါင်းရင်းမြစ်များ

Genese 50:2

Josefa a laela dingaka tse mo sebeletsang hore di noke ntatae; mme dingaka tsa noka Iseraele.

2 Dikronike 16:14

A patwa lebitleng la hae, leo a neng a itjheketse lona motseng wa Davida, mme a robatswa malaong a tletseng dinoko le dibano tse mefuta e mengata tse entsweng ka mokgwa wa baetsi ba tse nkgang hamonate; a ba a tjhesetswa bongata bo boholo haholo ba tsona.

Dipesaleme 45:8

Mirra le aloe le kasia di arubetsa diaparo tsa hao; o thabiswa ke modumo wa diharepa matlung a borena a kgabisitsweng ka manaka a ditlou.

Diproverbia 7:17

Ke noneditse diphate tsa ka ka mirra, le lekgala, le sinnamone.

Sefela sa Salomone 1:13

Moratuwa wa me o ho nna jwaloka letlenyana la mirra le hoketsweng sefubeng sa me.

Sefela sa Salomone 4:14

Ke nareda le saforane, le kalamuse le sinnamone, le difate tsohle tse tswang menkwane, mirra le alwe, le tse fetisang tsohle hara dinonetso.

Sefela sa Salomone 4:6

Ha ho ntse ho lebeletswe ho phola ha letsatsi le paleho ya meriti, ke tla ya thabeng ya mirra le thoteng ya dibano.

Mattheu 12:20

ha a ka ke a roba lehlaka le tenyetsehileng, a ke ke a tima lebonenyana le kubellang, e be a etse hore ho loka ho hlole.

Mattheu 19:30

Empa ba bangata ba pele e tla ba ba morao, mme ba morao e tla ba ba pele.

Mattheu 2:11

Ha ba kena tlung, ba fumana ngwana le mmae, Maria; ba wa ka mangwele, ba mo kgumamela; mme ha ba phutholotse matlotlo a bona, ba mo ntshetsa dimpho tsa kgauta, le dibano, le mirra.

Mareka 16:1

Eitse ha Sabatha a fetile, Maria Magdalena, le Maria mma Jakobo, le Salome, ba reka dinoko, ba tle ba ye ho mo tlotsa.

Johanne 12:3

Yaba Maria o nka ponto ya setlolo sa nareda e hlwekileng e theko e thata, a tlotsa maoto a Jesu, mme a mo hlakola maoto ka moriri wa hae. Ntlo ya ya ba ya tlala monkgo wa setlolo.

Johanne 12:7

Empa Jesu a re: Mo lese; o se boloketse letsatsi la ho epelwa ha ka.