Johanne 18:5 - Sesotho 1909/1961 (SO)

⁵ Ba mo araba, ba re: Jesu wa Nasaretha. Jesu a re ho bona: Ke nna enwa. Le yena Judase ya mo ekang, o ne a eme le bona.

BIBELE

⁵ Ba mo araba, ba re: “Jesu wa Nasaretha.” A re ho bona: “Ke nna enwa.” Le yena Judase, ya mo ekang, o ne a eme le bona.

Baasraak Sotho NT

⁵ Ba fetola ba re: Jesu wa Natsaretha. Jesu a re ho bona: Ke nna. Judase, ya mo ekang, le yena o ne a eme le bona.

Contemporary Southern Sotho Bible 2024

⁵ Ba fetola ba re: Jesu wa Natsaretha. Jesu a re ho bona: Ke nna. Judase, ya mo ekang, le yena o ne a eme le bona.

Johanne 18:5 ပူးပေါင်းရင်းမြစ်များ

Isaia 3:9

Tjhadimo ya difahleho tsa bona e a ba tswa, ba tumisitse dibe tsa bona jwaloka Sodoma, ha ba ka ba di pata; ho madimabe meya ya bona, hobane ke bona ba ipatletseng kotsi.

Jeremia 8:12

Ba tla hlabiswa dihlong, hobane ba entse manyala; ba tla nne ba hlabiswe dihlong, ba be le maswabi; ka baka leo, ba tla wa le ba wang, mohla ke ba kgalemelang, ba tla hle ba dihuwe, ho bolela Jehova.

Mattheu 2:23

Ha a fihla teng, a aha motseng o bitswang Nasaretha, ho tle ho etsahale ho boletsweng ke baporofeta, ho thwe: O tla bitswa Monasarene.

Mattheu 21:11

Matshwele a re: Ke Jesu, moporofeta ya tswang Nasaretha wa Galelea.

Johanne 1:46

Filipi a fihlela Nathanaele, a re ho yena: Re fumane eo Moshe a ngodileng taba tsa hae molaong, le baporofeta ba di ngodile; ke Jesu wa Nasaretha, mora Josefa.

Johanne 18:4

Jesu, kahobane a ne a tseba tsohle tse tla mo hlahela, a tswela ho bona, a re ho bona: Le batla mang?

Johanne 18:6

Eitse hobane a ba bolelle, a re: Ke nna enwa, ba sutha kasanthao, ba wela fatshe.

Johanne 19:19

Pilato a ngola lengolo, a le maneha hodimo sefapanong; ho ne ho ngodilwe hona: Jesu wa Nasaretha, morena wa Bajuda.