Johanne 13:34 - Sesotho 1909/1961 (SO)

³⁴ Ke le nea molao o motjha, ke hore le ratane; jwalokaha ke le ratile, ratanang jwalo le lona.

BIBELE

³⁴ “Ke le nea taelo e ntjha, ya hore le ratane; jwalokaha ke le ratile, le lona le ratane.

Baasraak Sotho NT

³⁴ Ke le nea taelo e ntjha, ya hore le ratane; jwalokaha ke le ratile, le lona le ratane.

Contemporary Southern Sotho Bible 2024

³⁴ Ke le nea taelo e ntjha, ya hore le ratane; jwalokaha ke le ratile, le lona le ratane.

Johanne 13:34 ပူးပေါင်းရင်းမြစ်များ

Dipesaleme 119:63

Ke tlwaelane le bohle ba o tshabang, le ba bolokang ditemoso tsa hao.

Dipesaleme 16:3

Bakgethehi ba lefatsheng, banna ba borapedi ba sebele, ke bao ke kgahlwang ke bona.

Levitike 19:18

O se ke wa iphetetsa, mme o se ke wa bolokela bana ba setjhaba sa heno lonya. Rata wa heno jwalokaha o ithata. Ke nna Jehova.

Levitike 19:34

le etse moditjhaba jwalokaha le etsa ya tswaletsweng ha habo lona, mme le mo rate jwalokaha le ithata, hobane le ne le le baditjhaba naheng ya Egepeta. Ke nna Jehova, Modimo wa lona.

Mattheu 5:44

Empa nna, ke re ho lona: Ratang bao e leng dira ho lona, le hlohonolofatse ba le rohakang; ba le hloileng le ba etse hantle, le rapelle ba le tsohelang matla le ba le hlorisang;

Johanne 15:17

Ke le laela tseo, le tle le ratane.

Johanne 17:21

bohle ba tle ba be bang, jwalokaha wena, Ntate, o le ho nna, le nna ke le ho wena; le bona ba be bang ho rona, hore lefatshe le tle le dumele hoba o nthomile.

Baroma 12:10

Tlwaelanang hamonate ka lerato la boena; le nne le beane pele ka hlomphano.

Baroma 13:10

Lerato ha le etse wa habo motho hampe; ke moo lerato e leng phetho ya molao.

Baroma 13:8

Le se ke la ba le molato ho motho, haese wa ho ratana; hobane ya ratang ba bang ke yena ya phethileng molao.

Bagalata 5:22

Empa tholwana ya Moya ke lerato, le thabo, le kgotso, le sebete, le kgauho, le molemo, le botshepehi, le bonolo, le boitshwaro.

Bagalata 5:6

Hobane ho Jesu Kreste, ho bolla le boqai ha di thuse letho, empa ho thusa tumelo e sebetsang ka lerato.

Bagalata 6:10

Ka baka leo, ha re sa na le sebaka, a re etseng bohle hantle, empa haholo ba ntlo ya tumelo.

Bagalata 6:2

Jarelanang diphahlo, mme le phethe jwalo molao wa Kreste.

Baefese 5:2

mme le tsamaye leratong, jwalokaha Kreste le yena a re ratile, mme a ineetse bakeng sa rona, hore e be nyehelo le sehlabelo se monko o monate ho Modimo.

BaKolose 1:4

re ntse re utlwa tumelo ya lona ho Jesu Kreste, le lerato la lona ho bahalaledi bohle,

1 BaThesalonika 3:12

Mme Morena a le hodise, mme a le atisetse lerato la ho ratana, le la ho rata bohle, jwalokaha re le rata le rona,

2 BaThesalonika 1:3

Re tshwanetse ho leboha Modimo kamehla ka baka la lona, banabeso, kamoo ho lokelang kateng, ka baka la hobane tumelo ya lona e ntse e hola ka ho fetisa, le lerato la lona bohle ho e mong le e mong le ntse le eketseha.

BaHebheru 13:1

Lerato la boena a le tiye.

Jakobo 2:8

Ha le phetha molao oo e leng morena hara melao, kamoo o ngodilweng kateng ka ho re: Rata wa heno jwalokaha o ithata, le etsa hantle.

1 Petrose 1:22

Jwale, meya ya lona ha e hlatswitswe ke ho utlwa nnete, hore le be le lerato la boena le se nang boiketsiso, a le ke le rataneng ka ho tiya ka pelo e hlwekileng;

2 Petrose 1:7

le borapedi ka lerato la boena, le lerato la boena ka lerato la bohle.

1 Johanne 3:11

Hobane taba eo le e utlwileng, esale ho qaleng, ke hore re ratane,

1 Johanne 3:23

Mme taelo ya wona ke hore re dumele lebitso la Mora wa wona Jesu Kreste, le hore re ratane, jwalokaha o re laetse.

1 Johanne 4:21

Mme re filwe ke wona taelo ena, e reng: Ya ratang Modimo a rate le ngwanabo.

2 Johanne 1:5

Mme jwale, wena mofumahadi, ke a o rapela, e seng ka ho re, ke o ngolla taelo e ntjha, empa e le eo re bileng le yona esale ho qaleng, e reng, re ratane.