Johanne 10:33 - Sesotho 1909/1961 (SO)

³³ Bajuda ba mo fetola, ba re: Ha o tlepeletswe mosebetsi o motle, empa ke ka baka la nyefolo, kahobane o re o le motho, o iketsa Modimo.

BIBELE

³³ Bajuda ba araba, ba re: “Ha re o tlepeletse mosebetsi o molemo, empa re o tlepeletsa nyefolo, le kahobane ere o le motho, o iketsa Modimo.”

Baasraak Sotho NT

³³ Bajuda ba mo araba, ba re: Ha re o tlepetse ka baka la mosebetsi o motle; empa ka baka la nyefolo; le kahobane o le motho, o iketsa Modimo.

Contemporary Southern Sotho Bible 2024

³³ Bajuda ba mo araba, ba re: Ha re o tlepetse ka baka la mosebetsi o motle; empa ka baka la nyefolo; le kahobane o le motho, o iketsa Modimo.

Johanne 10:33 ပူးပေါင်းရင်းမြစ်များ

1 Marena 21:10

le bee le banna ba babedi, bara ba Beliale, mabapa le yena, ba mo qose, ba re: O nyefotse Modimo le morena. Le ntoo mo isa kantle, le mo tlepetse ka majwe, a shwe.

Dipesaleme 82:6

Ke itse: Le medimo, mme bohle le bara ba Mookamedi ya phahameng.

Levitike 24:14

Ntshetsa monyefodi kantle ho diahelo; bohle ba mo utlwileng ba bee matsoho a bona hloohong ya hae, mme a tlepetswe ke phutheho yohle.

Levitike 24:16

ya tlang ho nyefola lebitso la Jehova, o tla bolawa; o tla tlepetswa ke phutheho kaofela. Moditjhaba, leha e le ya tswaletsweng hae, ha a ka nyefola lebitso la Jehova, o tla bolawa.

Johanne 10:24

Yaba Bajuda ba mo teela hare, ba re ho yena: O tla re dikadikisa ho fihlela neneng? Ekare ha o le Kreste, o re bolelle phatlalatsa.

Johanne 10:30

Nna le Ntate, re bang feela.

Johanne 10:32

Jesu a ba araba, a re: Ke le bontshitse mesebetsi e mengata e metle, e tswang ho Ntate; ke tlepeletswa ofe ho yona na?

Johanne 19:7

Bajuda ba mo araba, ba re: Re na le molao, mme ka molao wa rona o lokelwa ke ho shwa, hobane o ikentse Mora wa Modimo.

Johanne 5:18

Ka baka leo, Bajuda ba thoothelwa ho mmolaya, ka hore, ha a tlole molao wa Sabatha feela, empa o bile o re, Modimo ke Ntatae ka sebele, mme o iketsa ya lekanang le Modimo.

Baroma 13:1

Motho ka mong a ikokobetse katlasa borena, hobane ha ho borena bo sa tsweng ho Modimo; marena a leng teng a beilwe ke Modimo.

BaFilipi 2:6

eo leha a ne a ema ka sebopeho sa Modimo, a sa kang a lekanya hobane o a utswa ha a iketsa ya lekangang le Modimo;