Jobo 9:4 - Sesotho 1909/1961 (SO)

⁴ Kelellong o bohlale, matleng o matla ho fetisa; ke mang ya ka hanyetsanang le wona, a pholoha?

BIBELE

⁴ Modimo o bohlale, o bile o matla: Ke mang ya ka mo hanyetsang, yaba o a atleha?

Jobo 9:4 ပူးပေါင်းရင်းမြစ်များ

2 Dikronike 13:12

Bonang hle, Modimo o na le rona, o re eteletse pele le baprista ba tshwereng diterompeta tse tlerolang tsa ho le letsetsa. Oho, bana ba Iseraele, le se ka la lwantsha Jehova, Modimo wa bontata lona, hobane le ke ke la atleha.

2 Dikronike 20:6

Jehova, Modimo wa bontata rona, na hase wena Modimo mahodimong? Na hase wena o busang mebuso yohle ya lefatshe? Na matla le bonatla ha di letsohong la hao, hore ho se be motho ya ka o hlolang?

Jobo 11:6

ho o senolela diphiri tsa bohlale ba wona, bo tebileng, bo fetang kutlwisiso ya rona, o ka be o bona hoba bakeng sa hao Modimo o lebetse boholo ba sebe sa hao.

Jobo 12:13

Ho wona Modimo ho dutse bohlale le matla; o na le kelello le kutlwisiso.

Jobo 15:13

ha o tsohela Modimo bohale, ha molomo wa hao o ntsha dipolelo tse jwalo?

Jobo 23:6

Na o tla ntwantsha ka matla wohle a wona? Tjhe, le hanyenyane! o tla nkela hloko feela.

Jobo 24:22

Tjhe! Modimo o boloka ba matla ka matla a wona; ya jwalo a ka tsoha, leha a ne a sa tshepe hoba a ka phela.

Jobo 25:2

O na le mmuso le boholo bo tshabehang, o tiisa kgotso nqalong tse phahamileng tsa wona.

Jobo 28:23

Modimo ke wona o tsebang tsela ya jona, o tseba moo bo dulang teng;

Jobo 36:5

Bona, Modimo o matla, empa ha o nyedise motho; o moholo ka matla a kutlwisiso ya wona.

Jobo 37:23

Re ke ke ra finyella ho Ya matla wohle; o phahamile ka matla le ka toka, le ka ho loka ho sa kgelosweng.

Jobo 38:36

Ke mang ya neileng pelo ya motho bohlale, ke mang ya neileng moya wa hae kutlwisiso?

Jobo 38:37

Ke mang ya fihletseng palo ya maru ka bohlale ba hae, mme ke mang ya ka tshelang makuka a mahodimo,

Jobo 40:9

A o na le letsoho le kang la Modimo? Lentswe la hao na le ka duma jwaloka la wona na?

Jobo 41:2

O ka kenya mohala dinkong tsa yona, le ho e phunya lehlaya ho kenya lesale na?

Jobo 6:10

E ne e tla ba tshediso ho nna; e, ke ne ke tla thaba bohlokong bona bo tshabehang; hobane ha ke a ka ka tlola ditaelo tsa Ya halalelang!

Jobo 9:19

Ha nka ipiletsa matleng, o re: Ke nna ya matla; kapa ho lokeng, o re: Ke mang ya tlang ho mpiletsa nyeweng?

Dipesaleme 104:24

Jehova, mesebetsi ya hao e mengata hakakang! O e entse kaofela ka bohlale; lefatshe le tletse matlotlo a hao.

Dipesaleme 136:5

Ya entseng mahodimo ka kelello: Efela mohau wa hae ke o sa feleng.

Eksoda 15:7

Ka boholo jwa borena ba hao o dihile ba neng ba o tsohetse matla; o ntshitse bohale ba hao, ba ba tjhesa jwaloka hoja e le mooko.

Eksoda 9:7

Yaba Faro o a romela, a fumana hoba ha ho a shwa ntho leha e le nngwe mehlapeng ya Iseraele. Empa pelo ya Faro ya thatafala, a se ke a lokolla setjhaba.

Diproverbia 28:14

Ho lehlohonolo motho ya letswalo kamehla! Ya ithatafatsang pelo o tla wela bobeng.

Diproverbia 29:1

Motho ya ntseng a kgalemelwa hangata, mme a itshatalatsa molala, o tla robeha hanghang, ho se le sehlare.

Isaia 45:9

Ho madimabe ya tsekisanang le Mmopi wa hae; athe ke lengeta hara mangeta a mang a letsopa! Na letsopa le ka re ho ya le bopang: O etsang na? Kapa mosebetsi wa hao o ka bua bakeng sa hao, wa re: Ha o na matsoho na?

Jeremia 50:24

Ke o tjhehetse sefi, mme o tshwerwe, Babilona, o sa tsebe; o bile wa fumanwa, o tshwasitswe, hobane o lwantshitse Jehova.

Daniele 2:20

Daniele a re: Ho bokwe lebitso la Modimo kamehla le mehla, hobane efela o na le bohlale le matla!

Nahume 1:3

Jehova o pelo e telele, o moholo ka matla, ha a latolele motho molato wa hae. Jehova! ... tsela ya hae e hara sefefo le sekgohola, maru ke lerole la maoto a hae.

Baroma 11:33

A bodiba ba monono, le ba bohlale, le ba tsebo ya Modimo! Dikahlolo tsa wona ha di hlalohanngwe hakakang! Ditsela tsa wona ha di na ho fihlelwa hakakang!

1 Bakorinthe 10:22

Re rata ho bouledisa Morena na? Hleka re mo fetisa ka matla na?

Baefese 1:19

le tsebe le boholo bo sa lekanngweng ba matla a wona ho rona ba dumetseng, ka tshebetso ya matla a wona a sa sitweng ke letho;

Baefese 1:8

oo Modimo o re atiseditseng wona ka bohlale bohle le ka kelello yohle;

Baefese 3:10

hore jwale bohlale ba Modimo, bo leng bongata mekgweng ya jona, bo bonahale ka kereke, ho baholo le ho mebuso mahodimong,

Baefese 3:20

Ho yena ya ka tsebang, ka matla a hae a sebetsang ho rona, ho etsa ho fetisang haholo tsohle tseo re ka di qelang le tseo re ka di hopolang,