Jobo 28:28 - Sesotho 1909/1961 (SO)

²⁸ Wa ntoo re ho motho: Bona, ho tshaba Morena ke bona bohlale; ho sesefa bobe ke yona kutlwisiso.

BIBELE

²⁸ “Yaba o re ho motho: ‘Ho tshaba Morena ke bona bohlale; ho furalla bokgopo ke yona kutlwisiso.’ ”

Jobo 28:28 ပူးပေါင်းရင်းမြစ်များ

1 Marena 18:3

Akabe a bitsa Obadia, molebedi wa ntlo ya borena; haele Obadia, o ne a tshaba Jehova haholo.

Jobo 1:1

Monna o ne a le teng naheng ya Utse; lebitso la hae e le Jobo; e ne e le motho ya tsamayang ka ho loka le ka bokgabane, ya tshabang Modimo, ya sesefang bobe.

Jobo 28:12

Empa bohlale bo fumanwa kae? Kutlwisiso e dutse nqalong efe?

Jobo 28:20

Ha ho le jwalo, bohlale bo tswa kae? Le yona kutlwisiso e dutse nqalong efe?

Jobo 28:27

ebile hona o bo bonang, o bo bonahatsang; o bo tiisitse, wa ba wa bo leka.

Dipesaleme 111:10

Qalo ya bohlale ke ho tshaba Jehova; bohle ba ineelang hoo ba na le kutlwisiso e lokileng. Kganya ya hae e hlola ka ho sa feleng.

Dipesaleme 34:14

sesefa bobe, o etse botle; batla kgotso, o e latelle.

Dipesaleme 94:10

Ya bopileng leihlo, na a ke ke a bona na? Ya layang ditjhaba, na a ke ke a kgalemela, haele moo e le ya rutang batho bohlale na?

Diproverbia 1:7

Ho tshaba Jehova ke motheo wa tsebo; empa ba mawatla ba nyedisa bohlale le thuto.

Diproverbia 13:14

Thuto ya motho ya bohlale ke sediba sa bophelo ho phephisa batho mamena a lefu.

Diproverbia 14:16

Ya bohlale o na le tshabo, o sesefa bobe; empa ya thotofetseng o tlatselela feela, mme o a itshepa.

Diproverbia 16:17

Mmila wa ba lokileng ke ho nena bobe, ya elang metsamao ya hae hloko o boloka moya wa hae.

Diproverbia 16:6

Makgopo a phekolwa ke mohau le nnete, mme ke ka ho tshaba Jehova batho ba phemang bobe.

Diproverbia 3:7

O se ke wa ipona bohlale. Tshaba Jehova, o sesefe bobe.

Diproverbia 8:13

Ho tshaba Jehova ke ho hloya bobe. Ke hloile boikgantsho le boikgohomoso, motsamao o mobe le molomo o kgopo;

Diproverbia 9:10

Qalo ya bohlale ke ho tshaba Jehova; ho tseba Ya halalelang ke hlalefo.

Moeklesia 12:13

Bofello ba taba tseo kaofela ke jona: Tshaba Modimo, o boloke ditaelo tsa wona, hobane, ke yona tshwanelo yohle ya motho;

Isaia 1:16

Itlhatsweng, le itlhwekise; tlosang bolotsana ba diketso tsa lona pela mahlo a ka, lesang ho etsa hampe;

Deuteronoma 29:29

Ditaba tse patilweng ke tsa Jehova, Modimo wa rona, empa tse senotsweng ke tsa rona, le tsa bana ba rona ka ho sa feleng, re tle re etse ka ditaba tsohle tsa molao ona.

Deuteronoma 4:6

Di bolokeng, le etse ka tsona, hobane ke tsona tseo e tla ba bohlale ba lona, le kelello ya lona pela ditjhaba tse tlang ho utlwa melao ena kaofela; di tla re: Tjhaba seno se seholo, ruri ke setjhaba se hlalefileng, se nang le kelello.

2 Timothea 2:19

Leha ho le jwalo, motheo wa Modimo o ntse o tiile, o na le tiiso e reng: Morena o tseba bao e leng ba hae. Hape e re: E mong le e mong ya rapelang Morena, a ke a tlohe bokgopong.

1 Petrose 3:11

a kgelohe bobe, mme a etse ho molemo, a batle kgotso, a e phehelle.