Jobo 28:26 - Sesotho 1909/1961 (SO)

²⁶ mohla o beelang pula melao, o bontshang tladi e dumang tsela ya yona;

BIBELE

²⁶ ha a ne a beela pula taelo, lehadima le lona a le betlela tsela,

Jobo 28:26 ပူးပေါင်းရင်းမြစ်များ

Jobo 28:27

ebile hona o bo bonang, o bo bonahatsang; o bo tiisitse, wa ba wa bo leka.

Jobo 36:26

Bona, Modimo o moholo, re ke ke ra o tsebisisa, bokae ba dilemo tsa wona bo ke ke ba fumanwa.

Jobo 36:27

O hula marothodi a metsi, mohodi oo o o bopang ka wona o hlotlha dipula

Jobo 36:29

Ke mang ya utlwisisang ho otlana ha maru, le modumo oo tente ya wona e dumang ka wona?

Jobo 36:32

O nkile letolo matsohong a wona, o le laela ho otla bakgopo.

Jobo 37:11

Hape, o belesa maru ka metsi, o mathisa maru a tletseng letolo;

Jobo 37:2

Utlwang! utlwang ho duma ha lentswe la wona, le modumo o tswang molomong wa wona!

Jobo 37:3

O le utlwahatsa hohle sebakeng sa lehodimo, o betsa mahadima a wona ho isa pheletsong tsa lefatshe.

Jobo 37:4

Mme hanghang, lentswe la wona le a duma, o duma ka lentswe la boholo ba wona; ha o ke o thiba mahadima, ha lentswe la wona le utlwahala.

Jobo 37:6

O re ho lehlwa: Kgethehela lefatsheng! O rialo le ho pula le ho dikgohola tse kgolo.

Jobo 38:25

Ke mang ya entseng masobana a hasang dipula, le tsela ya lehadima le dumang;

Jobo 38:26

ho nesa pula nahathothe, le naheng e tshehla, moo ho sa aheng motho teng;

Jobo 38:27

ho nosetsa dinaha tsa mafeella, tse omileng, ho medisa jwang bo botala?

Dipesaleme 135:7

Ke yena ya tsosang maru dipheletsong tsa lefatshe, ya nesang dipula ka diaduma, ya ntshang meya dipolokelong tsa hae;

Dipesaleme 148:8

mollo, le sefako, lehlwa le mehodi, meya ya difefo e phethang ditaelo tsa hae;

Diproverbia 8:22

Jehova o mpopile ho qaleng ha ditsela tsa hae, mesebetsi ya hae e eso ho be teng, boholoholo.

Jeremia 14:22

Na e mong a ka ba teng hara mafeela a ditjhaba ya nesang pula? Kapa a mahodimo a teng a neang dipula? Na hase wena, Jehova, Modimo wa rona? Le hona re ntse re itshepetse wena, hobane ke wena ya etsang tseo kaofela.

Amose 4:7

Hape, ke ne ke le time dipula, ho sa setse dikgwedi tse tharo pele ho kotulo, ka e nesetsa motse o mong, motse o mong ke se ke ka o nesetsa; tshimo e nngwe ya nesetswa, tshimo e nngwe e sa kang ya nesetswa ya omella;

Sakaria 10:1

Qelang pula ho Jehova ka nako ya dipula tsa selemo: ke Jehova o hlahisang mahadima; o tla ba nea pula ya modupe, a fe e mong le e mong tse melang tshimong ya hae.