Jobo 27:20 - Sesotho 1909/1961 (SO)

²⁰ matswalo a tla ho yena jwaloka morwallo wa metsi; bosiu o tloswa ke sefefo.

BIBELE

²⁰ Tsietsi di mo wela hodimo jwaloka sekgohola, fefo se mo fefola bosiu ha ho robetswe.

Jobo 27:20 ပူးပေါင်းရင်းမြစ်များ

2 Marena 19:35

Ka bona bosiu boo, ha tswa lengeloi la Jehova, la bolaya batho ba dikete tse lekgolo le nang le mashome a robileng meno e mmedi a metso e mehlano diahelong tsa Baassiria. Eitse ha ba tsoha hosasa, ba bona e le ditopo feela.

Jobo 15:21

mokgosi o duma ditsebeng tsa hae, mme leha ho sa iketlilwe, o hla a bona mosenyi ya mo welang hodimo!

Jobo 18:11

Matsoso a mo tshabisa ka nqa tsohle, a mo tshosa a mo phalletse.

Jobo 20:23

Modimo ke wona o tlang ho kgorisa mpa ya hae, o tla mo otla ka tjheso ya kgalefo ya wona, o e nese hodima nama ya hae.

Jobo 20:8

O tla feta jwaloka toro, mme a ke ke a hlola a fumanwa; a timele jwaloka pono ya bosiu.

Jobo 21:18

ba tle ba be jwaloka dinono tse fefolwang ke moya, leha e le jwaloka mooko o nkwang ke sefefo.

Jobo 22:16

Athe ba tlositswe ho eso ho be nako, boahello ba bona ba nkilwe ke morwallo;

Jobo 24:18

Le re: Ba babe ba feta kapele jwaloka ntho e thellang hodima metsi. Lefa la bona le rohakilwe lefatsheng; ha ba sa leba nqa dirapeng tsa merara.

Jobo 34:20

Ba ye ba shwe hang, hara bosiu; setjhaba se ye se heletswe, se timele; ba matla ba tloswa, e seng ka letsoho la motho.

Dipesaleme 18:4

Ditlamo tsa lefu di na be di nkopetse hare, diphororo tsa tshenyo di ne di ntshositse.

Dipesaleme 42:7

Bodiba bo arabelana le bodiba bo bong modumong wa phororo tsa hao; merwallo ya hao kaofela le maqhubu a hao wohle a fetile hodima ka.

Dipesaleme 83:16

Apesa difahleho tsa bona ka dihlong, ba tle ba batle lebitso la hao, Jehova.

Dipesaleme 90:5

O a ba kgohola; ba jwaloka toro; hosasa, ba mela jwaloka jwang;

Eksoda 12:29

Ka bosiu bo boholo, Jehova a otla matsibolo a naha ya Egepeta kaofela, ho tloha ho letsibolo la Faro ya dutseng teroneng ya hae, ho isa ho matsibolo a motshwaruwa ya ka tlung ya teronko, le matsibolo kaofela a diphoofolo.

Daniele 5:30

Ka bona bosiu boo, Belshatsare, morena wa Bakalde, a bolawa,

Jonase 2:3

Hobane o ne o ntahletse bodibeng, bohareng ba lewatle, dikgohola tsohle di ne di mpotile kahohle, maqhubu wohle a hao le dikgaphatseho tsa hao di ne di nkapesitse.