Jobo 27:14 - Sesotho 1909/1961 (SO)

¹⁴ ha bana ba hae ba atile, e tla ba dijo tsa lerumo, ditloholo tsa hae di ke se ke tsa kgora bohobe;

BIBELE

¹⁴ Leha a ka atelwa ke bana, ba tla shwa ka sabole, tloholo tsa hae di ke ke tsa anelwa ke dijo;

Jobo 27:14 ပူးပေါင်းရင်းမြစ်များ

Esthere 5:11

Hamane a ba bolella letlotlo la maruo a hae, le bongata ba bana ba hae, le tsohle tseo morena a mo phahamisitseng ka tsona, le kamoo a mo hodisitseng kateng, ho mmea e moholo wa mahosana le wa bahlanka ba morena.

Jobo 15:22

O tshaba ho tswa lefifing; lerumo le mo laletse.

Jobo 18:19

Ha a siye mora leha e le setloholo hara setjhaba sa hae, meahong ya hae ho hlokahala mosiuwa ya tswang ho yena.

Jobo 20:10

Bara ba hae ba tla kgathatswa ke mafutsana, matsoho a hae a tla tshwanela ho busetsa leruo la hae.

Jobo 4:11

tau e tiileng e timela ke ho hloka see a se rusollang, mme madinyane a tau e tshehadi a qhalantswe.

Dipesaleme 109:10

Bana ba hae e ke e be melele e kopang, ba sikile hole le ntlo ya bona e senyehileng.

Dipesaleme 109:13

Ditloholo tsa hae di ke di timetswe, lebitso la hae le timele molokong o hlahlamang.

Luka 23:29

hobane, bonang, mehla e a tla eo ho tla thwe: Ho lehlohonolo dinyopa, le mala a sa kang a tswala, le matswele a sa kang a anyesa.

Deuteronoma 28:32

Bara ba hao le baradi ba hao ba tla neelwa setjhaba sesele, mme mahlo a hao a tla bona hoo, mme a tla teneha ke ho ba lebella letsatsi lohle, mme matla a tla ba siyo matsohong a hao.

Deuteronoma 28:41

O tla tswala bara le baradi, empa e ke ke ya eba ba hao, hobane ba tla iswa kgolehong.

1 Samuele 2:5

Ba neng ba kgora, ba ile ho sebeletsa dijo; mme ba neng ba lapa, ha ba sa lapa; nyopa yona e tswetse ba supileng, mme ya nang le bana ba bangata o swabile.