Jeremia 41:16 - Sesotho 1909/1961 (SO)

¹⁶ Yaba Johanane, mora Karea, le balaodi ba makgotla kaofela ba neng ba le ho yena, ba nka masala wohle a setjhaba ao Ishmaele, mora Nethania, a neng a a tlositse Mitspe, hobane a bolaye Gedalia, mora Akikame, e leng banna ba dinatla tsa ntwa, le basadi le bana, le maqhalaha, ba ba kgutlisa Gibeone;

BIBELE

¹⁶ Johanane, mora wa Karea, le balaodi bohle ba mabotho ba neng ba ena le yena, ba nka masalla a batho ba ileng ba pholoswa motseng wa Misepa, matsohong a Ishemaele, mora wa Netaniya, hoba Ishemaele a bolaye Gedaleya, mora wa Ahikama. E ne e le banna le basadi le bana le bahlanka bao a ba kgutlisitseng Gibeone.

Jeremia 41:16 ပူးပေါင်းရင်းမြစ်များ

2 Marena 25:23

Balaodi ba makgotla le batho ba bona, ha ba utlwa hore morena wa Babilona o beile Gedalia mmusisi, ba tla ho Gedalia Mitspe; ke Ishmaele, mora Nethania, le Johanane, mora Karea, le Seraia, mora Thanhumethe wa Nethofa, le Jaasania, mora motho wa Maaka, ba ena le batho ba bona.

Jeremia 41:10

Yaba Ishmaele o ya le ba siilweng kaofela ba setjhaba ba neng ba le Mitspe, le baradi ba morena le ba setjhaba kaofela ba neng ba setse Mitspe, bao Nebusaradane, molaodi wa balebedi, a neng a ba beile tisong ya Gedalia, mora Akimane; Ishmaele, mora Nethania, a ya le bona, a tloha teng a lebile nqa naha ya bana ba Ammone.

Jeremia 42:8

Yaba o bitsa Johanane, mora Karea, le balaodi kaofela ba makgotla ba neng ba le ho yena, le setjhaba kaofela, ba banyenyane le baholo;