Isaia 49:13 - Sesotho 1909/1961 (SO)

¹³ Nyakallang, lona mahodimo, le wena lefatshe, o thabe, le lona dithaba, dumang ka ditlatse, hobane Jehova o tshedisitse setjhaba sa hae, o hauhetse mafutsana a hae.

BIBELE

¹³ Lona mahodimo binang ka thabo, wena lefatshe nyakalla, lona dithaba binang ka nyakallo! Morena o tshedisa setjhaba sa hae, o hauhela tjhaba sa hae se tujwang.

Isaia 49:13 ပူးပေါင်းရင်းမြစ်များ

1 Dikronike 16:31

Mahodimo a ke a thabe, mme lefatshe le hlasimolohe; a ho ke ho bolelwe hara ditjhaba, ho thwe: Jehova o a busa.

Dipesaleme 148:9

dithaba le dithabana kaofela, difate tse behang, le lona dikedare kaofela,

Dipesaleme 65:13

Makgulo a tlala mehlape, diphula di apeswa ke mabele, mme ho utlwahala mehoo ya thabo le dipina.

Dipesaleme 69:34

Mahodimo a a ke a mo rorise, le lefatshe, le mawatle, le tse utlwang ho tsona kaofela!

Dipesaleme 71:21

Ekeletsa boholo ba ka, o kgutle, o ntshedise.

Dipesaleme 89:13

Matla a dutse letsohong la hao, seatla sa hao se tiile, letsoho le letona la hao le phahamile.

Isaia 12:1

Ka letsatsi leo o tla re: Jehova, ke a o rorisa, hobane o ne o nkgalefetse, empa bohale ba hao bo kgutlile, mme o ntshidisitse.

Isaia 14:1

Hobane Jehova o tla hauhela Jakobo, o sa tla be a ikgethele Iseraele, a ba ahise lefatsheng la bona; baditjhaba ba tla kopana le bona, ba kgomarele ntlo ya Jakobo.

Isaia 44:23

Mahodimo, nyakallang ka difela, hobane Jehova o sebeditse; le lona matebo a lefatshe hlabang ditlatse. Dithaba a di ke di dume ka mehoo ya thabo, le meru le difate tsa yona, hobane Jehova o lopolotse Jakobo, mme o bonahaditse kganya ya hae Iseraeleng.

Isaia 48:20

Tlohang Babilona, le balehe naheng ya Bakalde! Le bolele hoo ka lentswe la nyakallo, le ho tumise, le ho tsebise ho isa pheletsong ya lefatshe, le re: Jehova o lopolotse mohlanka wa hae Jakobo!

Isaia 49:14

Sione o na be a itse: Jehova o ntlohetse, Morena o ntebetse.

Isaia 51:12

Ke nna, ke nna ke le tshedisang! Na ke kang ha o ka tshaba motho ya shwang, le ngwana motho ya omellang jwaloka jwang?

Isaia 51:3

Ka mokgwa o jwalo, Jehova o utlwetse Sione bohloko, o utlwetse nqalo tsohle tsa hae tse senyehileng bohloko; o fetotse nahathothe ya hae ya eba jwaloka Edene, le naha ya hae e omeletseng o e entse serapa sa Jehova. Thabo le nyakallo di fumanwa teng, ka difela le dipina.

Isaia 52:9

Dumisang ditlatse hammoho le nyakallo, lona masupi a Jerusalema, hobane Jehova o hauhetse setjhaba sa hae, o lopolotse Jerusalema.

Isaia 54:7

Ke na be ke o furaletse ka motsotso o se o kae, empa ke tla o bokella ka mehauhelo e fetisisang.

Isaia 54:8

Ke na be ke o patetse sefahleho sa ka ka motsotso mehleng ya kgalefo, empa ke tla o hauhela ka mohau o sa feleng, ho bolela Jehova, Molopolli wa hao.

Isaia 55:12

Hobane le tla tloha ka thabo, le tsamaiswe ka kgotso; dithaba le maralla di tla ntsha mehoo ya nyakallo pela lona, difate tsohle tsa naha di ope diatla.

Jeremia 31:13

Ke moo barwetsana ba tla nyakalla mehobelong le bahlankana le maqheku hammoho, mme ke tla fetola maswabi a bona thabo, ke ba tshedise, ke ba thabise bakeng sa bohloko ba bona.

Jeremia 51:48

Mahodimo, le lefatshe, le tsohle tse ho tsona, di tla tshela ditlatse tsa thabo ka Babilona; hobane basenyi ba tla mo tlela ba etswa nqa leboya, ho bolela Jehova.

Ezekiele 35:14

Ha ho le jwalo, Morena Jehova o re: Mohla lefatshe lohle le thabang, ke tla o tlisetsa tshenyeho.

Luka 15:10

Ke a le bolella, ka mokgwa o jwalo thabo e teng pela mangeloi a Modimo ka moetsadibe a le mong ya bakang.

2 Bakorinthe 7:6

Empa Modimo o tshedisang ba kokobetseng, o re tshedisitse ka ho fihla ha Tite.