Isaia 40:29 - Sesotho 1909/1961 (SO)

²⁹ O fa ya kgathetseng matla, o atisa matla ho ya fokotseng.

BIBELE

²⁹ O matlafatsa ba tepeletseng, ba kgathetseng o ba tsosa molota.

Isaia 40:29 ပူးပေါင်းရင်းမြစ်များ

Genese 49:24

Empa seqha sa hae se dutse se tiile, mme matla a matsoho a hae a tiisitswe ke matsoho a senatla sa Jakobo, e leng Modisa le Lefika la Iseraele.

Nehemia 6:9

Hobane efela bohle ba ne ba leka ho re tshosa, ba re: Matsoho a bona a tle a tepellele mosebetsi, hore o tle o se ke wa etswa. Oho jwale, Modimo wa ka, o ke o matlafatse matsoho a ka!

Dipesaleme 29:11

Jehova o tla nea setjhaba sa hae matla; Jehova o tla hlohonolofatsa setjhaba sa hae ka kgotso.

Dipesaleme 68:10

Phutheho ya hao ya ikahella teng; wa lokisetsa ya lesitsi mohau wa hao, Modimo!

Dipesaleme 68:35

Modimo, o a tshabeha o le sehalalelong sa hao! Ke Modimo wa Iseraele o neang setjhaba sa wona matla le borena. Modimo a o rokwe!

Isaia 41:10

o se ke wa tshaba, hobane ke na le wena; o se ke wa tshoha, hobane ke Modimo wa hao; ke tla o fa matla, ke o thuse, ke o tiise ka letsoho la ka le letona la ho loka ha ka!

Isaia 50:4

Morena Jehova o nneile leleme la ba rutehileng, ke tle ke tsebe ho kgothatsa ya kgathetseng ka lentswe la ka. Ke yena ya ntsosang kameso yohle, ya bulang ditsebe tsa ka, ke tle ke tsebe ho mamela ka mokgwa wa ba rutwang.

Jeremia 31:25

Hobane ke tla phodisa moya o nyorilweng, moya o mong le o mong o tapileng ke o kgorise.

Sakaria 10:12

Ba setjhaba sa ka ke tla ba natlafaletsa ho Jehova, mme ba tla tsamaya ka lebitso la hae, ho bolela Jehova.

2 Bakorinthe 4:16

Ka baka leo, ha re tepelle; empa leha motho wa rona wa kantle a ntse a senyeha, motho wa kahare, yena, o ntse a ntjhafala ka letsatsi le letsatsi.

Deuteronoma 33:25

Mekwallo ya hao ke ya tshepe le ya koporo, mme matla a hao a tla lekana le matsatsi a hao.

BaFilipi 4:13

Nka etsa tsohle ka Kreste ya mphang matla.

BaKolose 1:11

le ntse le tiile ka nqa tsohle ka matla a wona a kganyang, ho ba le mamello nthong tsohle le sebete se selelele ka thabo;

BaHebheru 11:34

ba timile matla a mollo, ba phonyohile bohaleng ba lerumo, ba thusitswe dipabong tsa bona, ba entswe dinatla ntweng, ba qhadile makgotla a dira.

Baahlodi 15:19

Yaba Modimo o petsola lefika le sekoti la Lehi, metsi a ba a tswa ho lona; a nwa, mme pelo ya hae ya boela bodulong, a thuseha. Ka baka leo, ho reilwe lebitso la teng Ene-Hakkore (sediba sa ya howeletsang); sediba seo se sa le teng Lehi le kajeno.

1 Samuele 2:4

Diqha tsa dinatla di robehile; ba tetemang ba tlamilwe letheka ka matla a hae.